തേ​നി: സൗ​ജ​ന്യ​മാ​യി ആ​ട്ടി​റ​ച്ചി ന​ൽ​കാ​ത്ത​തി​നെ തു​ട​ർ​ന്ന് ശ്മ​ശാ​ന​ത്തി​ൽ സംസ്കരിച്ച മ​നു​ഷ്യ ശ​രീ​രം മാ​ന്തി​യെ​ടു​ത്ത് ഇ​റ​ച്ചി​ക്ക​ട​ക്ക് മു​ന്നി​ൽ ഇ​ട്ടു. ത​മി​ഴ്നാ​ട് തേ​നി​ക്ക​ടു​ത്ത് പി​സി പെ​ട്ടി​യി​ലു​ള്ള സം​ഗീ​ത മ​ട്ട​ൻ സ്റ്റാ​ൾ എ​ന്ന ക​ട​യി​ലാ​ണ് സം​ഭ​വം. ശ്മ​ശാ​നത്തിലെ തൊ​ഴി​ലാ​ളി​യാ​യ കു​മാ​റി​നെ പോ​ലീ​സ് അ​റ​സ്റ്റ് ചെ​യ്തു.

മ​ണി​യ​ര​ശ​ൻ എ​ന്ന​യാ​ളാ​ണ് ക​ട ന​ട​ത്തു​ന്ന​ത്. ഇ​വി​ടെ നാ​ല് വ​ർ​ഷം മു​ൻ​പ് വ​രെ ജോ​ലി ചെ​യ്തി​രു​ന്ന​യാ​ളാ​ണ് പി​സി പെ​ട്ടി സ്വ​ദേ​ശി​യാ​യ കു​മാ​ർ. നി​ല​വി​ൽ പി​സി പെ​ട്ടി​യി​ലെ ശ്മ​ശാ​ന​ത്തി​ലെ തൊ​ളി​ലാ​ളി​യാ​ണ്.

മ​ദ്യ​ല​ഹ​രി​യി​ൽ രാ​വി​ലെ മ​ണി​യ​ര​ശ​ന്‍റെ ക​ട​യി​ലെ​ത്തി​യ കു​മാ​ർ സൗ​ജ​ന്യ​മാ​യി ഇ​റ​ച്ചി വേ​ണ​മെ​ന്ന് ആ​വ​ശ്യ​പ്പെ​ട്ടു. വി​ല കൂ​ടു​ത​ലാ​യ​തി​നാ​ൽ ന​ൽ​കാ​നാ​വി​ല്ലെ​ന്ന് ഉ​ട​മ അ​റി​യി​ച്ചു. ഇ​തേ​ച്ചൊ​ല്ലി ഇ​രു​വ​രും ത​മ്മി​ൽ ത​ർ​ക്ക​മു​ണ്ടാ​യി. തി​രി​കെ പോ​യ കു​മാ​റെ​ത്തി​യ​ത് തു​ണി​യി​ൽ പൊ​തി​ഞ്ഞ ജീ​ർ​ണി​ച്ച മൃ​ത​ദേ​ഹ​വു​മാ​യാ​ണ്.

നാ​ല് ദി​വ​സം മു​ൻ​പ് ശ്മ​ശാ​ന​ത്തി​ൽ സം​സ്ക്ക​രി​ച്ച മൃ​ത​ദേ​ഹം മാ​ന്തി​യെ​ടു​ത്ത് കൊ​ണ്ടു വ​രി​ക​യാ​യി​രു​ന്നു. ഇ​ത് ക​ട​ക്കു മു​ന്നി​ൽ ഉ​പേ​ക്ഷി​ച്ച് ഇ​യാ​ൾ ക​ട​ന്നു ക​ള​ഞ്ഞു. ക​ട​യു​ട​മ പോ​ലീ​സി​നെ വി​വ​രം അ​റി​യി​ച്ചു.

പോ​ലീ​സ് ന​ഗ​ര​സ​ഭ അ​ധി​കൃ​ത​രെ സ​മീ​പി​ച്ചെ​ങ്കി​ലും ഏ​റ്റെ​ടു​ക്കാ​ൻ ത​യാ​റാ​യി​ല്ല. തു​ട​ർ​ന്ന് ആം​ബു​ല​ൻ​സെ​ത്തി​ച്ച് പോ​ലീ​സ് ത​ന്നെ മൃ​ത​ദേ​ഹം സം​ഭ​വസ്ഥ​ല​ത്ത് നി​ന്നും ശ്മ​ശാ​ന​ത്തി​ലെ​ത്തി​ച്ച് സം​സ്ക​രി​ച്ചു. കു​മാ​റി​നെ പോ​ലീ​സ് അ​റ​സ്റ്റു ചെ​യ്ത് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.