സംവിധായകൻ ഷാഫി ഗുരുതരാവസ്ഥയിൽ
Friday, January 24, 2025 6:54 AM IST
കൊച്ചി: ആന്തരിക രക്തസ്രാവത്തെത്തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലുള്ള സംവിധായകന് ഷാഫി ഗുരുതരാവസ്ഥയിലെന്ന് റിപ്പോര്ട്ട്.
വെന്റിലേറ്റര് സഹായത്തോടെയാണ് ജീവന് നിലനിര്ത്തുന്നത്. ജനുവരി 16-നാണ് ഷാഫിയെ ആശുപത്രിയില് പ്രവേശിപ്പിച്ചത്. ആശുപത്രി അധികൃതര് ഷാഫിയുടെ ആരോഗ്യസ്ഥിതി സൂക്ഷ്മമായി നിരീക്ഷിച്ചു വരികയാണ്.
വിദഗ്ധ ഡോക്ടര്മാരുടെ സംഘമാണ് ഷാഫിയെ ചികിത്സിക്കുന്നത്. വൺമാൻ ഷോ, കല്യാണ രാമന്, പുലിവാല്കല്യാണം, തൊമ്മനും മക്കളും, മായാവി, മേരിക്കുണ്ടൊരു കുഞ്ഞാട്, ചോക്ലേറ്റ്, ടു കൺട്രീസ്, മേക്കപ്പ് മാൻ തുടങ്ങി നിരവധി ബോക്സ് ഓഫീസ് ഹിറ്റ് ചിത്രങ്ങളുടെ സംവിധായകനാണ് ഷാഫി.