ആ​ലൂ​ർ: സ​യീ​ദ് മു​ഷ്താ​ഖ് അ​ലി ട്വ​ന്‍റി20 മൂ​ന്നാം ക്വാ​ർ​ട്ട​റി​ൽ സൗ​രാ​ഷ്ട്ര​യ്ക്കെ​തി​രേ മ​ധ്യ​പ്ര​ദേ​ശി​ന് 174 റ​ൺ​സ് വി​ജ​യ​ല​ക്ഷ്യം. ആ​ദ്യം ബാ​റ്റ് ചെ​യ്ത സൗ​രാ​ഷ്ട്ര നി​ശ്ചി​ത 20 ഓ​വ​റി​ൽ ഏ​ഴു വി​ക്ക​റ്റ് ന​ഷ്ട​ത്തി​ലാ​ണ് 173 റ​ൺ​സെ​ടു​ത്ത​ത്.

മ​ധ്യ​നി​ര​യി​ൽ ചി​രാ​ഗ് ജാ​നി​യു​ടെ ഒ​റ്റ​യാ​ൾ വെ​ടി​ക്കെ​ട്ട് അ​ർ​ധ​സെ​ഞ്ചു​റി​യു​ടെ ബ​ല​ത്തി​ലാ​ണ് സൗ​രാ​ഷ്ട്ര ഭേ​ദ​പ്പെ​ട്ട സ്കോ​റി​ലെ​ത്തി​യ​ത്. 45 പ​ന്തി​ൽ എ​ട്ട് ബൗ​ണ്ട​റി​ക​ളും നാ​ലു സി​ക്സ​റു​മു​ൾ​പ്പെ​ടെ 80 റ​ൺ​സു​മാ​യി താ​രം പു​റ​ത്താ​കാ​തെ നി​ന്നു. അ​തേ​സ​മ​യം, മ​റ്റാ​ർ​ക്കും 20 റ​ൺ​സി​നു മു​ക​ളി​ൽ സ്കോ​ർ ക​ണ്ടെ​ത്താ​നാ​യി​ല്ല.

ഹാ​ർ​വി​ക് ദേ​ശാ​യി (17), ജെ​യ് ഗോ​ഹി​ൽ (17), പ്രേ​ര​ക് മ​ങ്കാ​ദ് (16), വി​ശ്വ​രാ​ജ് ജ​ഡേ​ജ (15), സ​മ്മാ​ർ ഗ​ജ്ജാ​ർ (11), രു​ചി​ത് അ​ഹി​ർ (10) എ​ന്നി​വ​രാ​ണ് ര​ണ്ട​ക്കം ക​ട​ന്ന മ​റ്റു ബാ​റ്റ​ർ​മാ​ർ. മ​ധ്യ​പ്ര​ദേ​ശി​നു വേ​ണ്ടി ആ​വേ​ശ് ഖാ​ൻ, വെ​ങ്ക​ടേ​ഷ് അ​യ്യ​ർ എ​ന്നി​വ​ർ ര​ണ്ടു​വി​ക്ക​റ്റ് വീ​ഴ്ത്തി​യ​പ്പോ​ൾ ത്രി​പു​രേ​ഷ് സിം​ഗ്, ശി​വം ശു​ക്ല, രാ​ഹു​ൽ ബ​താം എ​ന്നി​വ​ർ ഓ​രോ വി​ക്ക​റ്റ് വീ​തം വീ​ഴ്ത്തി.