കൊ​ച്ചി: ചാ​ഞ്ചാ​ട്ട​ങ്ങ​ൾ​ക്ക് ശേ​ഷം വീ​ണ്ടും തി​രി​ച്ചു​ക​യ​റി സ്വ​ർ​ണ​വി​ല. പ​വ​ന് 320 രൂ​പ​യും ഗ്രാ​മി​ന് 40 രൂ​പ​യു​മാ​ണ് വ​ർ​ധി​ച്ച​ത്. ഇ​തോ​ടെ ഒ​രു പ​വ​ൻ സ്വ​ർ​ണ​ത്തി​ന് 57,040 രൂ​പ​യി​ലും ഗ്രാ​മി​ന് 7,130 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. 18 കാ​ര​റ്റ് സ്വ​ർ​ണം ഗ്രാ​മി​ന് 30 രൂ​പ ഉ​യ​ർ​ന്ന് 5,890 രൂ​പ​യി​ലെ​ത്തി.

തി​ങ്ക​ളാ​ഴ്ച പ​വ​ന് ഒ​റ്റ​യ​ടി​ക്ക് 480 രൂ​പ കു​റ​ഞ്ഞി​രു​ന്നു. ര​ണ്ടാ​ഴ്ച​യ്ക്കി​ടെ 3500 രൂ​പ ഇ​ടി​ഞ്ഞ ശേ​ഷം അ​തേ​പോ​ലെ തി​രി​ച്ചു​ക​യ​റി​യ സ്വ​ര്‍​ണ​വി​ല​യി​ല്‍ പി​ന്നീ​ട് ചാ​ഞ്ചാ​ട്ട​മാ​ണ് ദൃ​ശ്യ​മാ​കു​ന്ന​ത്. ഏ​റി​യും കു​റ​ഞ്ഞും നി​ന്ന സ്വ​ര്‍​ണ​വി​ല ക​ഴി​ഞ്ഞ ദി​വ​സം ഒ​റ്റ​യ​ടി​ക്ക് 560 രൂ​പ വ​ര്‍​ധി​ച്ചു. പി​ന്നീ​ട് ര​ണ്ടു ദി​വ​സ​ങ്ങ​ളി​ലാ​യി 560 രൂ​പ കു​റ​ഞ്ഞ ശേ​ഷ​മാ​ണ് ഇ​ന്ന് തി​രി​ച്ചു​ക​യ​റി​യ​ത്.

ഒ​ക്ടോ​ബ​ർ 31ന് ​രേ​ഖ​പ്പെ​ടു​ത്തി​യ 59,640 രൂ​പ​യാ​ണ് കേ​ര​ള​ത്തി​ൽ പ​വ​ൻ വി​ല​യി​ലെ എ​ക്കാ​ല​ത്തെ​യും റി​ക്കാ​ർ​ഡ്. ന​വം​ബ​ർ മാ​സ​ത്തി​ന്‍റെ തു​ട​ക്ക​ത്തി​ല്‍ 59,080 രൂ​പ​യാ​യി​രു​ന്നു സ്വ​ര്‍​ണ​വി​ല. ഒ​രു​ഘ​ട്ട​ത്തി​ല്‍ സ്വ​ര്‍​ണ​വി​ല 60,000 ക​ട​ന്നും കു​തി​ക്കു​മെ​ന്ന് തോ​ന്നി​പ്പി​ച്ചി​രു​ന്നു. എ​ന്നാ​ല്‍ ഏ​ഴി​ന് 57,600 രൂ​പ​യാ​യി താ​ഴ്ന്ന ശേ​ഷം ഒ​രു​ത​വ​ണ തി​രി​ച്ചു​ക​യ​റി​യ സ്വ​ര്‍​ണ​വി​ല പി​ന്നീ​ട് ഇ​ടി​യു​ന്ന​താ​ണ് ക​ണ്ട​ത്.

ന​വം​ബ​ർ 14,16,17 തീ​യ​തി​ക​ളി​ൽ 55,480 രൂ​പ​യാ​യി താ​ഴ്ന്ന് ഈ ​മാ​സ​ത്തെ ഏ​റ്റ​വും താ​ഴ്ന്ന നി​ല​വാ​ര​ത്തി​ലേ​ക്കും സ്വ​ര്‍​ണ​വി​ല എ​ത്തി​യ സ്വ​ർ​ണം പി​ന്നീ​ടു​ള്ള ഒ​രാ​ഴ്ച​കൊ​ണ്ട് വീ​ണ്ടും കു​തി​ച്ചു​യ​രു​ക​യും പി​ന്നീ​ട് ഇ​ടി​യു​ക​യും ചെ​യ്തു.

ഇ​സ്രാ​യേ​ൽ-​ഹി​സ്ബു​ള്ള സം​ഘ​ർ​ഷം അ​വ​സാ​നി​പ്പി​ക്കാ​ൻ ഇ​സ്ര​യേ​ലും ല​ബ​ന​നും ധാ​ര​ണ​യി​ൽ എ​ത്തി​യെ​ന്ന റി​പ്പോ​ർ​ട്ടു​ക​ൾ​ക്ക് പി​ന്നാ​ലെ​യാ​ണ് അ​ന്താ​രാ​ഷ്ട്ര സ്വ​ർ​ണ​വി​ല കു​റ​ഞ്ഞ​ത്. തു​ട​ർ​ന്ന് വി​ല​യി​ൽ ചാ​ഞ്ചാ​ട്ട​മാ​ണ് ദൃ​ശ്യ​മാ​കു​ന്ന​ത്.

അ​ന്താ​രാ​ഷ്ട്ര വി​പ​ണി​യി​ലെ ച​ല​ന​ങ്ങ​ളും ഓ​ഹ​രി വി​പ​ണി​യി​ലെ മാ​റ്റ​ങ്ങ​ളു​മാ​ണ് സ്വ​ര്‍​ണ​വി​ല​യി​ല്‍ പ്ര​തി​ഫ​ലി​ക്കു​ന്ന​ത്. അ​തേ​സ​മ​യം, സ്വ​ർ​ണ​ത്തി​ന് രാ​ജ്യ​ന്ത​ര​മാ​യി വി​ല കു​റ​ഞ്ഞി​രി​ക്കെ​യാ​ണ് കേ​ര​ള​ത്തി​ൽ വി​ല ഉ​യ​ർ​ന്ന​ത്. രാ​ജ്യാ​ന്ത​ര വി​ല ഔ​ൺ​സി​ന് 2,644 ഡോ​ള​ർ​വ​രെ ഉ​യ​ർ​ന്നെ​ങ്കി​ലും ഇ​പ്പോ​ൾ വി​ല 2,640 ഡോ​ള​റാ​ണ്.

അ​തേ​സ​മ​യം, വെ​ള്ളി​വി​ല മാ​റ്റ​മി​ല്ലാ​തെ തു​ട​രു​ക​യാ​ണ്. ഗ്രാ​മി​ന് 97 രൂ​പ​യി​ലാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. ഹാ​ള്‍​മാ​ര്‍​ക്ക് വെ​ള്ളി​യു​ടെ വി​ല മാ​സ​ങ്ങ​ളാ​യി രേ​ഖ​പ്പെ​ടു​ത്തി​യി​ട്ടി​ല്ല.