തി​രു​വ​ന​ന്ത​പു​രം: അ​ഞ്ഞൂ​റി​ല​ധി​കം ന​ഴ്സു​മാ​രെ ജ​ർ​മ​നി​യി​ലെ​ത്തി​ച്ച​ത് ആ​ഘോ​ഷ​മാ​ക്കി നോ​ർ​ക്ക. നോ​ര്‍​ക്ക ട്രി​പ്പി​ള്‍ വി​ന്‍ കേ​ര​ള പ​ദ്ധ​തി വ​ഴി 528 ന​ഴ്സു​മാ​രെ​യാ​ണ് ജ​ർ​മ​നി​യി​ലെ​ത്തി​ച്ച​ത്. ജ​ർ​മ​ൻ ഓ​ണ​റ​റി കോ​ൺ​സ​ൽ സം​ഘ​ടി​പ്പി​ച്ച ജ​ർ​മ​ൻ ഐ​ക്യ​ദി​ന​ത്തി​നും ബെ​ർ​ലി​ൻ മ​തി​ല്‍ പ​ത​ന​ത്തി​ന്‍റെ 35-ാം വാ​ർ​ഷി​കാ​ഘോ​ഷ ച​ട​ങ്ങി​നു​മൊ​പ്പ​മാ​യി​രു​ന്നു 500 പ്ല​സ് ആ​ഘോ​ഷ​പ​രി​പാ​ടി.

നോ​ര്‍​ക്ക റൂ​ട്ട്സി​ന്‍റെ മി​ക​ച്ച പി​ന്തു​ണ​യാ​ണ് പ​ദ്ധ​തി​യു​ടെ വി​ജ​യ​ത്തി​നു പി​ന്നി​ലെ​ന്ന് ച​ട​ങ്ങി​ല്‍ മു​ഖ്യാ​തി​ഥി​യാ​യ ബം​ഗ​ലൂ​രു​വി​ലെ ജ​ര്‍​മ​ന്‍ കോ​ണ്‍​സ​ല്‍ ജ​ന​റ​ല്‍ അ​ച്ചിം ബു​കാ​ർ​ട്ട് പ​റ​ഞ്ഞു.

ര​ണ്ടു​വ​ര്‍​ഷ​ത്തി​നു​ള്ളി​ല്‍ മി​ക​ച്ച നേ​ട്ടം കൈ​വ​രി​ക്കാ​നാ​യ​തി​ല്‍ അ​ഭി​മാ​നി​ക്കു​ന്നു​വെ​ന്നും ഇ​തി​നു പി​ന്നി​ല്‍ പ്ര​വ​ര്‍​ത്തി​ച്ച ഗോ​യ്ഥേ സെ​ന്‍റ​റി​നേ​യും ബ​ന്ധ​പ്പെ​ട്ട എ​ല്ലാ​വ​രേ​യും അ​ഭി​ന​ന്തി​ക്കു​ന്ന​താ​യി നോ​ര്‍​ക്ക റൂ​ട്ട്സ് റ​സി​ഡ​ന്‍റ് വൈ​സ് ചെ​യ​ര്‍​മാ​ന്‍ പി. ​ശ്രീ​രാ​മ​കൃ​ഷ്ണ​ന്‍ പ​റ​ഞ്ഞു.

2021 ഡി​സം​ബ​റി​ല്‍ ഒ​പ്പി​ട്ട ട്രി​പ്പി​ള്‍ വി​ന്‍ കേ​ര​ള പ​ദ്ധ​തി​യു​ടെ ഭാ​ഗ​മാ​യി ഇ​തു​വ​രെ 528 ന​ഴ്സു​മാ​ര്‍​ക്കാ​ണ് ജ​ര്‍​മ​നി​യി​ലെ 12 സ്റ്റേ​റ്റു​ക​ളി​ലെ വി​വി​ധ ആ​രോ​ഗ്യ​പ​രി​പാ​ല​ന സ്ഥാ​പ​ന​ങ്ങ​ളി​ൽ ര​ജി​സ്ട്രേ​ഡ് ന​ഴ്സ് ത​സ്തി​ക​യി​ല്‍ നി​യ​മ​നം ല​ഭി​ച്ച​ത്.

അ​ഞ്ചു​ഘ​ട്ട​ങ്ങ​ളി​ലാ​യി തെ​ര​ഞ്ഞെ​ടു​ത്ത 1400 പേ​രി​ല്‍ ജ​ര്‍​മ​ന്‍ ഭാ​ഷാ​പ​രി​ശീ​ല​നം തു​ട​രു​ന്ന​വ​ര്‍ ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തി​യാ​ക്കി ജ​ര്‍​മ​നി​യി​ലേ​യ്ക്ക് തി​രി​ക്കും. കേ​ര​ള​ത്തി​ല്‍ നി​ന്നു​ള​ള ന​ഴ്സിം​ഗ് പ്ര​ഫ​ഷ​ണ​ലു​ക​ള്‍​ക്ക് ജ​ര്‍​മ​നി​യി​ല്‍ തൊ​ഴി​ല​വ​സ​ര​മൊ​രു​ക്കു​ന്ന​തി​നാ​യി നോ​ർ​ക്ക റൂ​ട്ട്സും ജ​ർ​മ​ൻ ഫെ​ഡ​റ​ൽ എം​പ്ലോ​യ്മെ​ന്‍റ് ഏ​ജ​ൻ​സി​യും ജ​ർ​മ​ൻ ഏ​ജ​ൻ​സി ഫോ​ർ ഇ​ന്‍റ​ർ​നാ​ഷ​ണ​ൽ കോ-​ഓ​പ്പ​റേ​ഷ​നും സം​യു​ക്ത​മാ​യി ന​ട​പ്പി​ലാ​ക്കു​ന്ന പ​ദ്ധ​തി​യാ​ണ് നോ​ര്‍​ക്ക ട്രി​പ്പി​ള്‍ വി​ന്‍ കേ​ര​ള.