കോ​ഴി​ക്കോ​ട്: എം.​ടി.​വാ​സു​ദേ​വ​ൻ നാ​യ​രു​ടെ കോ​ഴി​ക്കോ​ട് കൊ​ട്ടാ​രം റോ​ഡി​ലെ സി​താ​ര എ​ന്ന വീ​ട്ടി​ൽ​നി​ന്നു 26 പ​വ​ൻ സ​ർ​ണം മോ​ഷ്ടി​ച്ച കേ​സി​ൽ പ്ര​തി​ക​ളു​മാ​യു​ള്ള തെ​ളി​വെ​ടു​പ്പ് ന​ട​ക്കും. സ്വ​ര്‍​ണം വി​റ്റ ജ്വ​ല്ല​റി​യി​ല്‍ പ്ര​തി​ക​ളെ എ​ത്തി​ച്ച് തെ​ളി​വെ​ടു​ക്കും.

ക​മ്മ​ത്ത് ലെ​യ്നി​ലെ മൂ​ന്നു​ക​ട​ക​ളി​ൽ സ്വ​ർ​ണം വി​ൽ​പ്പ​ന ന​ട​ത്തി​യ​താ​യി പ്ര​തി​ക​ൾ കു​റ്റ​സ​മ്മ​തം ന​ട​ത്തി​യി​രു​ന്നു. എ​ടു​ത്ത ആ​ഭ​ര​ണ​ങ്ങ​ള്‍ മു​ഴു​വ​ന്‍ വി​റ്റ​താ​യാ​ണ് പ്ര​തി​ക​ള്‍ പോ​ലീ​സി​നോ​ട് പ​റ​ഞ്ഞ​ത്. എം​ടി​യു​ടെ വീ​ട്ടി​ലെ ജോ​ലി​ക്കാ​രി ക​രു​വ​ശേ​രി സ്വ​ദേ​ശി​നി ശാ​ന്ത (48), സു​ഹൃ​ത്ത് വ​ട്ടോ​ളി സ്വ​ദേ​ശി പ്ര​കാ​ശ​ൻ (44) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്.

അ​ല​മാ​ര​യു​ടെ ലോ​ക്ക​റി​ൽ സൂ​ക്ഷി​ച്ചി​രു​ന്ന 26 പ​വ​ൻ സ്വ​ർ​ണാ​ഭ​ര​ണ​ങ്ങ​ൾ, ഡ​യ​മ​ണ്ട് പ​തി​പ്പി​ച്ച ക​മ്മ​ൽ, മ​ര​ത​കം പ​തി​പ്പി​ച്ച ലോ​ക്ക​റ്റ് തു​ട​ങ്ങി 15 ല​ക്ഷ​ത്തോ​ളം രൂ​പ വി​ല​വ​രു​ന്ന ആ​ഭ​ര​ണ​ങ്ങ​ളാ​ണ് എം​ടി​യു​ടെ വീ​ട്ടി​ൽ നി​ന്നു മോ​ഷ​ണം പോ​യ​ത്. വീ​ടു കു​ത്തി​ത്തു​റ​ക്കാ​തെ​യാ​ണ് പ്ര​തി​ക​ൾ മോ​ഷ​ണം ന​ട​ത്തി​യ​ത്.

ആ​ഭ​ര​ണ​ങ്ങ​ള​ല്ലാ​തെ മ​റ്റൊ​ന്നും മോ​ഷ്ടി​ച്ചി​ല്ല. അ​ല​മാ​ര താ​ക്കോ​ൽ ഉ​പ​യോ​ഗി​ച്ച് തു​റ​ന്ന​തും​കൂ​ടി ക​ണ​ക്കി​ലെ​ടു​ത്ത് മോ​ഷ​ണം ന​ട​ത്തി​യ​ത് സ്ഥി​രം കു​റ്റ​വാ​ളി​ക​ളാ​കാ​ൻ സാ​ധ്യ​ത​യി​ല്ലെ​ന്ന നി​ഗ​മ​ന​ത്തി​ലാ​ണ് പോ​ലീ​സ് അ​ന്വേ​ഷ​ണം ന​ട​ത്തി​യ​ത്.

ന​ട​ക്കാ​വ് സ​ബ് ഇ​ൻ​സ്പെ​ക്ട​ർ ബി​നു മോ​ഹ​ന്‍റെ നേ​തൃ​ത്വ​ത്തി​ൽ മൊ​ഴി രേ​ഖ​പ്പെ​ടു​ത്ത​വെ എം.​ടി​യു​ടെ വീ​ട്ടി​ൽ ജോ​ലി ചെ​യ്തി​രു​ന്ന ശാ​ന്ത​യു​ടെ പെ​രു​മാ​റ്റ​ത്തി​ൽ അ​സ്വാ​ഭാ​വി​ക​ത തോ​ന്നി​യി​രു​ന്നു. ശാ​ന്ത​യെ​പ്പ​റ്റി ര​ഹ​സ്യാ​ന്വേ​ഷ​ണം ന​ട​ത്തി​യ​പ്പോ​ഴാ​ണ് കേ​സി​ന്‍റെ ചു​രു​ള​ഴി​ഞ്ഞ​ത്.

ശാ​ന്ത​യു​ടെ സു​ഹൃ​ത്ത് പ്ര​കാ​ശ​നെ​ക്കു​റി​ച്ച് പോ​ലീ​സ് വി​ശ​ദ​മാ​യി അ​ന്വേ​ഷ​ണം ന​ട​ത്തു​ക​യും തു​ട​ർ​ന്നു ക​സ്റ്റ​ഡി​യി​ൽ എ​ടു​ത്ത് ചോ​ദ്യം ചെ​യ്യു​ക​യും ചെ​യ്ത​തോ​ടെ പ്ര​തി​ക​ൾ കോ​ഴി​ക്കോ​ട് ക​മ്മ​ത്ത് ലെ​യ്നി​ലെ ജ്വ​ല്ല​റി​യി​ൽ മോ​ഷ്ടി​ച്ച സ്വ​ർ​ണം വി​റ്റ വി​വ​രം പോ​ലീ​സി​നോ​ട് സ​മ്മ​തി​ക്കു​ക​യാ​യി​രു​ന്നു.