ഹരിയാനയിൽ ജെജെപി-എഎസ്പി സഖ്യം മികച്ച വിജയം നേടും : ചന്ദ്രശേഖർ ആസാദ്
Thursday, October 3, 2024 6:53 AM IST
ന്യൂഡൽഹി: ഹരിയാന നിയമസഭ തെരഞ്ഞെടുപ്പിൽ ജെജെപി-എഎസ്പി സഖ്യം മികച്ച വിജയം നേടുമെന്ന് എഎസ്പി ദേശീയ അധ്യക്ഷൻ ചന്ദ്രശേഖർ ആസാദ്. ബിജെപി സർക്കാരിനും കോൺഗ്രസിനും എതിരെ ഹരിയാനയിലെ ജനങ്ങൾ വിധിയെഴുതുമെന്നും അദ്ദേഹം പറഞ്ഞു.
"സംസ്ഥാനത്ത് ഞങ്ങളുടെ സഖ്യത്തിന് അനുകൂലമായ സാഹചര്യമാണ്. ജനങ്ങൾ ഞങ്ങളോടൊപ്പമാണ്. തെരഞ്ഞെടുപ്പ് ഫലത്തിന് സംസ്ഥാനത്ത് ആർക്കും ഞങ്ങളെ അവഗണിക്കാനാവില്ല. അധികാരത്തിലെത്താനും ഞങ്ങൾക്ക് സാധിക്കും.'-ചന്ദ്രശേഖർ ആസാദ് പറഞ്ഞു.
ഒക്ടോബർ അഞ്ചിനാണ് ഹരിയാനയിൽ തെരഞ്ഞെടുപ്പ് നടക്കുക. എട്ടിനാണ് വോട്ടെണ്ണൽ.