പുതിയ രാഷ്ട്രീയ പാര്ട്ടി രൂപീകരിക്കും: പി.വി. അന്വര്
Wednesday, October 2, 2024 10:54 AM IST
മലപ്പുറം: പുതിയ രാഷ്ട്രീയ പാര്ട്ടി രൂപീകരിക്കുമെന്ന് പ്രഖ്യാപിച്ച് പി.വി. അന്വര് എംഎൽഎ. മതേതരത്വം ഊന്നിയുള്ള പാർട്ടിയാകും രൂപീകരിക്കുകയെന്ന് അദ്ദേഹം പറഞ്ഞു.
പുതിയ പാര്ട്ടി രൂപീകരണവുമായി ബന്ധപ്പെട്ട് കൃത്യമായ പദ്ധതി തയാറാക്കും. തദ്ദേശ തെഞ്ഞെടുപ്പില് എല്ലാ പഞ്ചായത്തുകളിലും സ്ഥാനാർഥികളെ നിർത്തും.
സിപിഎമ്മില് നിന്ന് ഒരു ഹിന്ദു പുറത്തുപോയാല് അവരെ സംഘിയാക്കും. മുസ്ലിമാണെങ്കില് 'സുഡാപ്പി'യും ജമാഅത്തെ ഇസ്ലാമിയുമാക്കും. ആ പാര്ട്ടിയില് നിന്ന് വിട്ടുപോകുകയോ ബന്ധം ഉപേക്ഷിക്കുകയോ ചെയ്യുന്നവര്ക്ക് സിപിഎം ചാര്ത്തി കൊടുക്കുന്ന പേരുകളാണിതെന്നും അൻവർ കൂട്ടിച്ചേർത്തു.