മെയ്ഹർ വാഹനാപകടം: മരണം ഒൻപത് ആയി
Monday, September 30, 2024 12:22 AM IST
ഭോപ്പാൽ: മധ്യപ്രദേശിലെ മെയ്ഹർ ജില്ലയിൽ ബസും ട്രക്കും കൂട്ടിയിടിച്ചുണ്ടായ അപകടത്തിൽ മരിച്ചവരുടെ എണ്ണം ഒൻപത് ആയി. പരിക്കേറ്റ് ചികിത്സയിലുണ്ടായിരുന്ന മൂന്നു പേർ കൂടി മരിച്ചതോടെയാണ് മരണസംഖ്യ ഒൻപത് ആയത്.
ശനിയാഴ്ച രാത്രിയാണ് അപകടമുണ്ടായത്. മെയ്ഹർ ജില്ലയിലെ നദൻ ദെഹത്ത് പോലീസ് സ്റ്റേഷന് സമീപമാണ് അപകടം നടന്നത്. നിർത്തിയിട്ടിരുന്ന ട്രക്കിലേക്ക് ബസ് ഇടിച്ചുകയറുകയായിരുന്നു.
പ്രയാഗ്രാജിൽ നിന്ന് നാഗ്പുരിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. ആറു പേർ നേരത്തെ മരിച്ചിരുന്നു.
.