ജ​റു​സ​ലം: ല​ബ​ന​നി​ലെ ബെ​യ്റൂ​ട്ടി​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഹി​സ്ബു​ള്ള മേ​ധാ​വി ഹ​സ​ൻ ന​സ്റു​ള്ള​യെ വ​ധി​ച്ച​താ​യി ഇ​സ്രേലി സൈ​ന്യം. വെ​ള്ളി​യാ​ഴ്ച തെ​ക്ക​ൻ ബെ​യ്റൂ​ട്ടി​ലെ ദ​ഹി​യ​യി​ൽ ഹി​സ്ബു​ള്ള ആ​സ്ഥാ​ന​ത്ത് ന​ട​ത്തി​യ വ്യോ​മാ​ക്ര​മ​ണ​ത്തി​ലാ​ണ് ന​സ്റു​ള്ള കൊ​ല്ല​പ്പെ​ട്ട​തെ​ന്ന് സൈ​ന്യം അ​വ​കാ​ശ​പ്പെ​ട്ട​ത്.

ഇ​നി ലോ​ക​ത്തെ ഭീ​തി​യി​ലാ​ക്കാ​ന്‍ ന​സ്റു​ള്ള​യ്ക്ക് ക​ഴി​യി​ല്ലെ​ന്ന് ഇ​സ്രേലി സൈ​ന്യം പ്ര​സ്താ​വ​ന​യി​ല്‍ പ​റ​ഞ്ഞു. അ​തേ​സ​മ​യം, ഹി​സ്ബു​ള്ള ഇ​ക്കാ​ര്യം സ്ഥി​രീ​ക​രി​ച്ചി​ട്ടി​ല്ല.

ഹി​സ്ബു​ള്ള​യു​ടെ സെ​ൻ​ട്ര​ൽ ക​മാ​ൻ​ഡ് ആ​സ്ഥാ​നം ല​ക്ഷ്യ​മി​ട്ട മി​സൈ​ൽ ആ​ക്ര​മ​ണ​ത്തി​ൽ വ​ൻ​സ്ഫോ​ട​ന​ങ്ങ​ളോ​ടെ നാ​ലു കെ​ട്ടി​ട​സ​മു​ച്ച​യ​ങ്ങ​ൾ ത​ക​ർ​ന്ന​ടി​ഞ്ഞു. സ്ഫോ​ട​ന​ത്തി​ന്‍റെ ആ​ഘാ​ത​ത്തി​ൽ 24 കി​ലോ​മീ​റ്റ​ർ അ​ക​ലെ​യു​ള്ള കെ​ട്ടി​ട​ങ്ങ​ളും കു​ലു​ങ്ങി.

ക​ഴി​ഞ്ഞ വെ​ള്ളി​യാ​ഴ്ച, ഹി​സ്ബു​ല്ല​യു​ടെ മു​തി​ർ​ന്ന നേ​താ​വ് ഇ​ബ്രാ​ഹിം ആ​ക്വി​ൽ കൊ​ല്ല​പ്പെ​ട്ട​ത് ദ​ഹി​യ​യി​ൽ ഇ​സ്ര​യേ​ൽ ന​ട​ത്തി​യ സ​മാ​ന​മാ​യ ആ​ക്ര​മ​ണ​ത്തി​ലാ​ണ്. തി​ങ്ക​ളാ​ഴ്ച​യ്ക്കു​ശേ​ഷം ഇ​സ്ര​യേ​ൽ ന​ട​ത്തി​യ ആ​ക്ര​മ​ണ​ങ്ങ​ളി​ൽ ല​ബ​ന​നി​ൽ എ​ഴു​നൂ​റോ​ളം പേ​ർ കൊ​ല്ല​പ്പെ​ട്ട​താ​യി ആ​രോ​ഗ്യ​മ​ന്ത്രാ​ല​യം അ​റി​യി​ച്ചു.