ബം​ഗ​ളൂ​രു: ഉ​ത്ത​ര​ക​ന്ന​ഡ​യി​ലെ ഷി​രൂ​രി​ൽ മ​ണ്ണി​ടി​ച്ചി​ൽ അ​പ​ക​ട​ത്തി​ൽ​പെ​ട്ട അ​ര്‍​ജു​ന്‍റെ ര​ണ്ട് ഫോ​ണു​ക​ളും ക​ണ്ടെ​ത്തി. ലോ​റി​യു​ടെ ക്യാ​ബി​നു​ള്ളി​ല്‍​നി​ന്നാ​ണ് ഫോ​ണ്‍ അ​ട​ക്ക​മു​ള്ള വ​സ്തു​ക്ക​ള്‍ ക​ണ്ടെ​ത്തി​യ​ത്.

വ​സ്ത്ര​ങ്ങ​ള്‍, ചെ​രു​പ്പ്, ബാ​ഗ്, വാ​ച്ച് വാ​ഹ​ന​ത്തി​ന്‍റെ രേ​ഖ​ക​ള്‍ എ​ന്നി​വ​യും ര​ണ്ട് വ​യ​സു​കാ​ര​നാ​യ കു​ഞ്ഞി​നാ​യി വാ​ങ്ങി​വ​ച്ചെ​ന്ന് ക​രു​തുന്ന ക​ളി​പ്പാ​ട്ട​വും ക്യാ​ബി​നു​ള്ളി​ല്‍​നി​ന്ന് ക​ണ്ടെ​ത്തി. കൂ​ടു​ത​ല്‍ അ​സ്ഥി​ഭാ​ഗ​ങ്ങ​ളും ക​ണ്ടെ​ടു​ത്തി​ട്ടു​ണ്ട്. ക്യാ​ബി​നു​ള്ളി​ല്‍ നി​റ​ഞ്ഞി​രു​ന്ന ചെ​ളി നീ​ക്കം ചെ​യ്ത ശേ​ഷം ന​ട​ത്തി​യ പ​രി​ശോ​ധ​ന​യി​ലാ​ണ് ഇ​വ​യെ​ല്ലാം ക​ണ്ടെ​ടു​ത്ത​ത്.

ഏ​റെ ദു​ഷ്‌​ക​ര​മാ​യ ദൗ​ത്യ​ത്തി​നൊ​ടു​വി​ല്‍ ഇ​ന്ന് രാ​വി​ലെ​യാ​ണ് അ​ര്‍​ജു​ന്‍ ഓ​ടി​ച്ച ലോ​റി ഗം​ഗാ​വാ​ലി പു​ഴ​യി​ല്‍​നി​ന്ന് പു​റ​ത്തെ​ടു​ക്കാ​നാ​യ​ത്. അ​ർ​ജു​ന്‍റെ മൃ​ത​ദേ​ഹം വെ​ള്ളി​യാ​ഴ്ച കു​ടും​ബാം​ഗ​ങ്ങ​ൾ​ക്കു വി​ട്ടു​ന​ൽ​കും. മൃ​ത​ദേ​ഹം നാ​ട്ടി​ലെ​ത്തി​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്.

അ​ർ​ജു​ന്‍റെ അ​സ്ഥി​യു​ടെ ഒ​രു ഭാ​ഗ​മെ​ടു​ത്ത് മം​ഗ​ളൂ​രു എ​ഫ്എ​സ്എ​ൽ ലാ​ബി​ലേ​ക്ക് അ​യ​ച്ചി​ട്ടു​ണ്ട്. ഡി​എ​ൻ​എ പ​രി​ശോ​ധ​നാ​ഫ​ലം ര​ണ്ടു ദി​വ​സ​ത്തി​ന​കം ല​ഭി​ക്കു​മെ​ന്നാ​ണ് വി​വ​രം. മൃ​ത​ദേ​ഹ​ഭാ​ഗം കോ​ഴി​ക്കോ​ട്ടെ വീ​ട്ടി​ലെ​ത്തി​ക്കാ​നു​ള്ള ഉ​ത്ത​ര​വാ​ദി​ത്വം കേ​ര​ള സ​ർ​ക്കാ​ർ ഏ​റ്റെ​ടു​ക്കും.