കൊ​ല്ലം: മ​ല​യാ​ള സാ​ഹി​ത്യ​വും മൊ​ബൈ​ൽ ഫോ​ണു​മാ​യി എ​ന്ത​ങ്കി​ലും ബ​ന്ധ​മു​ണ്ടോ​യെ​ന്ന് ചോ​ദി​ച്ചാ​ൽ അ​തെ എ​ന്ന് എ​ന്നു ത​ന്നെ ഉ​ത്ത​രം. ര​ണ്ടും ത​മ്മി​ൽ ബ​ന്ധ​മു​ണ്ടെ​ങ്കി​ലും സം​ഗ​തി എ​ന്താ​ണെ​ന്നു പ​ല​ർ​ക്കും ഇ​പ്പോ​ഴും മ​ന​സി​ലാ​യി​ട്ടു​ണ്ടാ​കി​ല്ല.

ഇ​ന്ന് എ​ല്ലാ​വ​രു​ടെ​യും കൈ​ക​ളി​ൽ സ​ർ​വ വി​ജ്ഞാ​ന​ശേ​ഖ​ര​വു​മാ​യി മാ​റി​യ മൊ​ബൈ​ൽ ഫോ​ണും മ​ല​യാ​ള സാ​ഹി​ത്യ​വു​മാ​യു​ള്ള ബ​ന്ധം വ​ള​രെ വ​ലു​താ​ണ്. ജ്ഞാ​ന​പീ​ഠ പു​ര​സ്കാ​രം നേ​ടി​യ മൂ​ന്നാ​മ​ത്തെ മ​ല​യാ​ളി​യും ഒ​രേ​യൊ​രു ആ​ല​പ്പു​ഴ​ക്കാ​ര​നു​മാ​ണു ത​ക​ഴി ശി​വ​ശ​ങ്ക​ര​പ്പി​ള്ള. ക​യ​ർ, ഏ​ണി​പ്പ​ടി​ക​ൾ, ര​ണ്ടി​ട​ങ്ങ​ഴി തു​ട​ങ്ങി​യ കു​ട്ട​നാ​ടി​ന്‍റെ മ​ണ​മു​ള്ള ക​ഥ​ക​ൾ പ​റ​ഞ്ഞ വി​ശ്വ​സാ​ഹി​ത്യ​കാ​ര​ൻ മ​രി​ക്കു​മ്പോ​ൾ, ഇ​ന്ന് എ​ല്ലാ​വ​രു​ടെ​യും കൈ​വ​ശ​മു​ള്ള മൊ​ബൈ​ൽ ഫോ​ണു​ക​ൾ കേ​ര​ള​ത്തി​ൽ പ്ര​ചാ​ര​ത്തി​ലാ​യി​ത്തു​ട​ങ്ങി​യി​രു​ന്നി​ല്ല.

പ​ക്ഷേ, കേ​ര​ള​ത്തി​ൽ ആ​ദ്യ​മാ​യി മൊ​ബൈ​ൽ ഫോ​ൺ ഉ​പ​യോ​ഗി​ച്ചു സം​സാ​രി​ച്ച​താ​രെ​ന്നു ചോ​ദി​ച്ചാ​ൽ അ​തി​ന് ഒ​രു​ത്ത​രം മാ​ത്രം - സാ​ക്ഷാ​ൽ ത​ക​ഴി ശി​വ​ശ​ങ്ക​ര​പ്പി​ള്ള. 1996 സെ​പ്റ്റം​ബ​ർ 17-നാ​ണ് കേ​ര​ള​ത്തി​ലേ​ക്ക് ആ​ദ്യ മൊ​ബൈ​ൽ വി​ളി​യെ​ത്തി​യ​ത്.

കേ​ര​ള​ത്തി​ലാ​ദ്യ​മാ​യി മൊ​ബൈ​ൽ സേ​വ​നം തു​ട​ങ്ങി​യ​ത് എ​സ്കോ​ടെ​ൽ എ​ന്ന സ്വ​കാ​ര്യ ക​മ്പ​നി ആ​ണ്. എ​സ്കോ​ടെ​ലി​ന്‍റെ മൊ​ബൈ​ൽ സേ​വ​ന​ത്തി​ന്‍റെ ഉ​ദ്ഘാ​ട​നം നി​ർ​വ​ഹി​ച്ച​തു ത​ക​ഴി ശി​വ​ശ​ങ്ക​ര​പ്പി​ള്ള​യാ​ണ്. ദ​ക്ഷി​ണ മേ​ഖ​ലാ നാ​വി​ക​സേ​നാ മേ​ധാ​വി വൈ​സ് അ​ഡ്മി​റ​ൽ എ.​ആ​ർ. ടാ​ൻ​ഡ​നു​മാ​യി സം​സാ​രി​ച്ചു കൊ​ണ്ടാ​യി​രു​ന്നു തു​ട​ക്കം. തു​ട​ർ​ന്ന്, ക​ഥാ​കാ​രി മാ​ധ​വി​ക്കു​ട്ടി​യു​മാ​യും (ക​മ​ലാ സു​ര​യ്യ) ടാ​ൻ​ഡ​ൻ മൊ​ബൈ​ലി​ൽ സം​സാ​രി​ച്ചു.

ഇ​ന്ത്യ​യി​ലെ എ​സ്കോ​ർ​ട്സ് ഗ്രൂ​പ്പി​ന്‍റെ​യും ഹോ​ഗോം​ഗി​ലെ ഫ​സ്റ്റ് പ​സ​ഫി​ക് ക​മ്പ​നി ലി​മി​റ്റ​ഡി​ന്‍റെ​യും സം​യു​ക്ത സം​രം​ഭ​മാ​യി​രു​ന്നു എ​സ്കോ​ടെ​ൽ. ആ​ദ്യ മൂ​ന്നാ​ഴ്ച​യി​ൽ ആ​യി​ര​ത്തോ​ളം മൊ​ബൈ​ൽ ഫോ​ണു​ക​ളാ​ണു ബു​ക്ക് ചെ​യ്യ​പ്പെ​ട്ട​ത്. ഇ​ന്ന് മൊ​ബൈ​ൽ വ​രി​ക്കാ​രു​ടെ എ​ണ്ണം അ​നു​ദി​നം പെ​രു​കു​ക​യാ​ണ്.