കോ​ഴ​ഞ്ചേ​രി: പ​ന്പാ​തീ​രം ഉ​ത്സ​വ​ച്ഛാ​യ​യി​ലാ​ണ്. പ​ര​ന്പ​രാ​ഗ​ത ആ​ചാ​ര​ങ്ങ​ളോ​ടെ തി​രു​വോ​ണ​ത്തോ​ണി യാ​ത്ര ഇ​ന്ന്. ആ​റ​ന്മു​ള ഉ​ത്ര​ട്ടാ​തി ജ​ലോ​ത്സ​വ​വു​മാ​യി ബ​ന്ധ​പ്പെ​ട്ട ഐ​തി​ഹ്യം തി​രു​വോ​ണ​ത്തോ​ണി​യു​ടെ യാ​ത്ര​യു​മാ​യി ബ​ന്ധ​പ്പെ​ട്ടാ​ണ്. തി​രു​വോ​ണ നാ​ളി​ൽ ആ​റ​ന്മു​ള ക്ഷേ​ത്ര​ത്തി​ൽ സ​ദ്യ ഒ​രു​ക്കാ​ൻ വി​ഭ​വ​ങ്ങ​ളു​മാ​യി തി​രു​വോ​ണ​ത്തോ​ണി ഉ​ത്രാ​ട സ​ന്ധ്യ​യി​ൽ കാ​ട്ടൂ​രി​ൽ നി​ന്നു യാ​ത്ര തി​രി​ക്കും. മ​ഹാ​വി​ഷ്ണ​ക്ഷേ​ത്ര​ക്ക​ട​വി​ൽ നി​ന്നു പ​മ്പാ​ന​ദി​യി​ലൂ​ടെ​യാ​ണ് ആ​റ​ന്മു​ള യാ​ത്ര.

പ​മ്പ​യി​ലെ ജ​ല​നി​ര​പ്പ് സ്വാ​ഭാ​വി​ക​മാ​യി നി​ല​നി​ൽ​ക്കു​ന്ന​തി​നാ​ൽ ഇ​ക്കൊ​ല്ല​ത്തെ യാ​ത്ര കൂ​ടു​ത​ൽ സു​ഗ​മ​മാ​കും. മ​ങ്ങാ​ട്ട് ഇ​ല്ല​ത്തെ അ​നൂ​പ് നാ​രാ​യ​ണ ഭ​ട്ട​തി​രി​യാ​ണ് ഇ​ക്കു​റി യാ​ത്ര​യി​ൽ തി​രു​വോ​ണ​ത്തോ​ണി​ക്ക് നാ​യ​ക​ത്വം വ​ഹി​ക്കു​ക. പൂ​ർ​വി​ക അ​നു​ഷ്ഠാ​നം നി​റ​വേ​റ്റാ​നാ​യി കോ​ട്ട​യം കു​മാ​ര​ന​ല്ലൂ​ർ മ​ങ്ങാ​ട്ട് ക​ട​വി​ൽ നി​ന്നു​യാ​ത്ര ആ​രം​ഭി​ച്ച ഭ​ട്ട​തി​രി ചു​രു​ള​ൻ വ​ള്ള​ത്തി​ൽ ഇ​ന്ന​ലെ ആ​റ​ന്മു​ള​യി​ൽ എ​ത്തി. ഇ​വി​ടെ നി​ന്നു​പു​റ​പ്പെ​ട്ട ഭ​ട്ട​തി​രി​ക്ക് ഇ​ന്ന് ഉ​ച്ച​യ്ക്ക് കാ​ട്ടൂ​ർ ക്ഷേ​ത്ര ക​ട​വി​ൽ ഭാ​ര​വാ​ഹി​ക​ൾ വ​ര​വേ​ല്പ് ന​ൽ​കി.

ക​ഴി​ഞ്ഞ ദി​വ​സം നീ​ര​ണി​ഞ്ഞ ശേ​ഷം ആ​റ​ന്മു​ള​യി​ൽ നി​ന്നു പു​റ​പ്പെ​ട്ട തി​രു​വോ​ണ​ത്തോ​ണി ഇ​ന്നു​രാ​വി​ലെ മൂ​ക്ക​ന്നൂ​ർ ക​ട​വി​ലെ​ത്തി​ച്ച് ക​ഴു​കി വൃ​ത്തി​യാ​ക്കി. തു​ട​ർ​ന്ന് കാ​ട്ടൂ​ർ ക്ഷേ​ത്ര​ക്ക​ട​വി​ലേ​ക്ക് എ​ത്തി. ഭ​ട്ട​തി​രി​യും തോ​ണി​യും എ​ത്തി‍യ​തോ​ടെ കാ​ട്ടൂ​രി​ലെ ച​ട​ങ്ങു​ക​ൾ​ക്കു തു​ട​ക്ക​മാ​യി.

ആ​റ​ൻ​മു​ള ക്ഷേ​ത്ര​ത്തി​ൽ നി​ന്നു ചോ​തി നാ​ളി​ൽ അ​ള​ന്ന് എ​ത്തി​ച്ച നെ​ല്ല് വി​ശാ​ഖം​നാ​ൾ മു​ത​ൽ കു​ത്തി എ​ടു​ത്ത അ​രി ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ളാ​ണ് തോ​ണി​യി​ൽ കൊ​ണ്ടു പോ​കു​ക. കാ​ട്ടൂ​ർ ക്ഷേ​ത്ര​ത്തി​ലെ ശ്രീ​കോ​വി​ലി​ൽ നി​ന്നു വൈ​കു​ന്നേ​രം ആ​റി​നു മേ​ൽ​ശാ​ന്തി പ​ക​ർ​ന്ന് ന​ൽ​കു​ന്ന ദീ​പം ഏ​റ്റു​വാ​ങ്ങി ഭ​ട്ട​തി​രി തോ​ണി​യി​ലെ പ്ര​ത്യേ​ക മ​ണ്ഡ​പ​ത്തി​ൽ സൂ​ക്ഷി​ക്കും.

തു​ട​ർ​ന്ന് ഭ​ട്ട​തി​രി​യും ആ​ചാ​ര പ്ര​കാ​രം തോ​ണി​യി​ൽ യാ​ത്ര ചെ​യ്യാ​ൻ അ​വ​കാ​ശ​മു​ള്ള 18 കു​ടും​ബ​ങ്ങ​ളി​ലെ പ്ര​തി​നി​ധി​ക​ളു​മാ​യി വൈ​കു​ന്നേ​രം 6.30 ഓ​ടെ കാ​ട്ടൂ​രി​ൽ നി​ന്ന് ആ​റ​ന്മു​ള​യി​ലേ​ക്കു നീ​ങ്ങും.

ആ​റ​ന്മു​ള പ​ള്ളി​യോ​ട​ങ്ങ​ൾ തി​രു​വോ​ണ​ത്തോ​ണി​ക്ക് അ​ക​മ്പ​ടി​യാ​യി നീ​ങ്ങും. പ​ന്പ​യെ പ്ര​കാ​ശ​പൂ​രി​ത​മാ​ക്കി​യു​ള്ള രാ​ത്രി​യാ​ത്ര കാ​ണാ​ൻ തീ​ര​ങ്ങ​ളി​ൽ ഉ​റ​ക്ക​മൊ​ഴി​ഞ്ഞ് മ​ൺ​ചെ​രാ​തു​ക​ൾ തെ​ളി​ച്ച് ആ​ളു​ക​ൾ കാ​ത്തി​രി​ക്കും.

തി​രു​വോ​ണ നാ​ൾ പു​ല​ർ​ച്ചെ ആ​റ​ന്മു​ള ക്ഷേ​ത്ര​ക്ക​ട​വി​ൽ തോ​ണി എ​ത്തും. ദേ​വ​സ്വം ബോ​ർ​ഡ്,പ​ള്ളി​യോ​ട സേ​വാ സം​ഘം, ഉ​പ​ദേ​ശ​ക സ​മ​തി, ഭ​ക്ത​ർ തു​ട​ങ്ങി​യ​വ​ർ ചേ​ർ​ന്ന് അ​നു​ഷ്ഠാ​ന​ങ്ങ​ൾ പാ​ലി​ച്ച് വെ​റ്റി​ല, പു​ക​യി​ല ഇ​വ ന​ൽ​കി സ്വീ​ക​രി​ക്കും. കാ​ട്ടൂ​രി​ൽ നി​ന്നും പ​ക​ർ​ന്നു ന​ൽ​കി​യ ദീ​പം ആ​റ​ന്മു​ള ക്ഷേ​ത്ര ശ്രീ​കോ​വി​ലി​ലെ കെ​ടാ​വി​ള​ക്കി​ലേ​ക്കു പ​ക​രും. ഇ​തോ​ടെ ആ​റ​ന്മു​ള തി​രു​വോ​ണ സ​ദ്യ​യ്ക്കു​ള്ള ഒ​രു​ക്ക​ങ്ങ​ൾ ആ​രം​ഭി​ക്കും.

തോ​ണി​യി​ൽ എ​ത്തി​ച്ച വി​ഭ​വ​ങ്ങ​ൾ ഉ​പ​യോ​ഗി​ച്ച് ത​യാ​റാ​ക്കി​യ നി​വേ​ദ്യം ദേ​വ​ന് സ​മ​ർ​പ്പി​ക്കും. ക്ഷേ​ത്ര​ത്തി​ൽ തി​രു​വോ​ണ നാ​ളി​ൽ ന​ട​ക്കു​ന്ന ച​ട​ങ്ങു​ക​ളി​ൽ പ​ങ്കെ​ടു​ത്ത് അ​ത്താ​ഴ​പൂ​ജ ക​ഴി​ഞ്ഞ് ചെ​ല​വ് മി​ച്ചം പ​ണ​ക്കി​ഴി ഭ​ണ്ഡാ​ര​ത്തി​ൽ നി​ക്ഷേ​പി​ച്ച് ഭ​ട്ട​തി​രി കു​മാ​ര​ന​ല്ലൂ​രി​ലേ​ക്കു ക​ര​മാ​ർ​ഗം മ​ട​ങ്ങും.