ഗ്രേ​റ്റ​ര്‍ നോ​യി​ഡ: അ​ഫ്ഗാ​നി​സ്ഥാ​ന്‍ - ന്യൂ​സി​ഡ​ന്‍​ഡ് ടെ​സ്റ്റ് ഒ​രു പ​ന്തു​പോ​ലും എ​റി​യാ​നാ​കാ​തെ ഉ​പേ​ക്ഷി​ച്ചു. ഗ്രേ​റ്റ​ര്‍ നോ​യി​ഡ​യി​ലെ ഷ​ഹീ​ദ് വി​ജ​യ് സിം​ഗ് പ​തി​ക് സ്പോ​ര്‍​ട്സ് കോം​പ്ല​ക്സി​ൽ ന​ട​ക്കേ​ണ്ടി​യി​രു​ന്ന പ​ര​മ്പ​ര​യി​ലെ ഏ​ക ടെ​സ്റ്റാ​ണ് ഉ​പേ​ക്ഷി​ച്ച​ത്.

മ​ഴ​യെ​ത്തു​ട​ർ​ന്ന്, അ​ഞ്ചാം ദി​ന​മാ​യ ഇ​ന്നും ടോ​സ് പോ​ലും സാ​ധി​ക്കാ​തെ വ​ന്ന​തോ​ടെ അ​മ്പ​യ​ര്‍​മാ​ര്‍ മ​ത്സ​രം ഉ​പേ​ക്ഷി​ക്കാ​ന്‍ തീ​രു​മാ​നി​ക്കു​ക​യാ​യി​രു​ന്നു. 91 വ​ർ​ഷം നീ​ണ്ട ടെ​സ്റ്റ് ക്രി​ക്ക​റ്റ് ച​രി​ത്ര​ത്തി​ൽ, ഏ​ഷ്യ​ൻ മ​ണ്ണി​ൽ മ​ഴ​മൂ​ലം ഒ​രു പ​ന്തു പോ​ലും എ​റി​യാ​നാ​കാ​തെ പൂ​ർ​ണ​മാ​യും ഉ​പേ​ക്ഷി​ക്കു​ന്ന ആ​ദ്യ മ​ത്സ​ര​ത്തി​ന്‍റെ നാ​ണ​ക്കേ​ടും ഇ​ന്ത്യ​യ്ക്കാ​യി.

1999ൽ ​പാ​ക്കി​സ്ഥാ​നി​ലെ ഫൈ​ല​സാ​ബാ​ദി​ൽ സിം​ബാ​ബ്‌​വെ​യ്‌​ക്കെ​തി​രെ ടെ​സ്റ്റ് മ​ത്സ​രം ഒ​രു പ​ന്തു പോ​ലും എ​റി​യാ​നാ​കാ​തെ ഉ​പേ​ക്ഷി​ച്ചി​രു​ന്നെ​ങ്കി​ലും അ​ത് ക​ന​ത്ത മ​ഞ്ഞു മൂ​ല​മാ​യി​രു​ന്നു.

ക​ന​ത്ത മ​ഴ ഒ​രു കാ​ര​ണ​മാ​ണെ​ങ്കി​ലും സം​ഘാ​ട​ന​ത്തി​ലെ പി​ടി​പ്പു​കേ​ടും ഗ്രൗ​ണ്ടി​ലെ മോ​ശം ഡ്രെ​യി​നേ​ജ് സം​വി​ധാ​ന​വു​മെ​ല്ലാ​മാ​ണ് മ​ത്സ​രം ന​ട​ത്താ​ൻ നി​ഷ്പ​ക്ഷ വേ​ദി​യൊ​രു​ക്കി​യ ബി​സി​സി​ഐ​യ്ക്ക് നാ​ണ​ക്കേ​ടു​ണ്ടാ​ക്കി​യ​ത്. ഗ്രേ​റ്റ​ര്‍ നോ​യി​ഡ ഇ​ൻ​ഡ​സ്ട്രി​യ​ല്‍ ഡ​വ​ല​പ്മെ​ന്‍റ് അ​തോ​റി​റ്റി​ക്കാ​ണ് ഗ്രൗ​ണ്ടി​ന്‍റെ ചു​മ​ത​ല​യു​ള്ള​ത്.

ആ​ഭ്യ​ന്ത​ര സം​ഘ​ര്‍​ഷം കാ​ര​ണം അ​ഫ്ഗാ​നി​സ്ഥാ​നി​ല്‍ ക​ളി​ക്കാ​ന്‍ ന്യൂ​സീ​ല​ന്‍​ഡ് ബു​ദ്ധി​മു​ട്ട് അ​റി​യി​ച്ച​തി​നെ തു​ട​ര്‍​ന്നാ​ണ് നി​ഷ്പ​ക്ഷ വേ​ദി​യെ​ന്ന നി​ല​യി​ല്‍ മ​ത്സ​രം ഇ​ന്ത്യ​യി​ലാ​ക്കി​യ​ത്. വ​ർ​ഷ​ങ്ങ​ളാ​യി അ​ഫ്ഗാ​നി​സ്ഥാ​ൻ ക്രി​ക്ക​റ്റ് ടീ​മി​ന്‍റെ ഹോം ​ഗ്രൗ​ണ്ടാ​യ ഗ്രേ​റ്റ​ർ നോ​യി​ഡ സ്റ്റേ​ഡി​യ​ത്തി​ൽ നാ​ലു വ​ർ​ഷ​ത്തി​നു​ശേ​ഷ​മാ​ണ് ഒ​രു രാ​ജ്യാ​ന്ത​ര മ​ത്സ​രം ന​ട​ക്കു​ന്ന​ത്.

ആ​ദ്യ ദി​വ​സം മ​ഴ​മൂ​ലം മ​ത്സ​രം ത​ട​സ​പ്പെ​ട്ടി​രു​ന്നു. പി​ന്നീ​ട് മ​ഴ മാ​റി​നി​ന്നി​ട്ടും വെ​ള്ള​ക്കെ​ട്ട് നീ​ക്കി പി​ച്ച് പൂ​ർ​ണ​മാ​യും മ​ത്സ​ര​സ​ജ്ജ​മാ​ക്കാ​ൻ സാ​ധി​ക്കാ​തെ വ​ന്ന​താ​ണ് തി​രി​ച്ച​ടി​യാ​യ​ത്. പി​ച്ചും ഔ​ട്ട്ഫീ​ല്‍​ഡും മൂ​ടി​യി​ടാ​ന്‍ ഉ​പ​യോ​ഗി​ച്ച ക​വ​റു​ക​ളും മോ​ശ​മാ​യ​തോ​ടെ പി​ച്ചി​ലേ​ക്കു വെ​ള്ള​മി​റ​ങ്ങി.

ഗ്രൗ​ണ്ടി​ലെ ഈ​ര്‍​പ്പം മാ​റ്റാ​ന്‍ യാ​തൊ​രു ആ​ധു​നി​ക സം​വി​ധാ​ന​ങ്ങ​ളു​മി​ല്ലാ​യി​രു​ന്നു. ഫാ​നും കൃ​ത്രി​മ പു​ല്ലും ഉ​പ​യോ​ഗി​ച്ച് ഈ​ർ​പ്പം നീ​ക്കാ​ൻ ശ്ര​മി​ക്കു​ന്ന ഗ്രൗ​ണ്ട് സ്റ്റാ​ഫി​ന്‍റെ ചി​ത്ര​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

ഈ ​സാ​ഹ​ച​ര്യ​ത്തി​ൽ ഷ​ഹീ​ദ് വി​ജ​യ് സിം​ഗ് പ​തി​ക് സ്പോ​ര്‍​ട്സ് കോം​പ്ല​ക്സി​ൽ രാ​ജ്യാ​ന്ത​ര മ​ത്സ​ര​ങ്ങ​ൾ​ക്ക് ഐ​സി​സി വി​ല​ക്കേ​ർ​പ്പെ​ടു​ത്താ​നാ​ണ് സാ​ധ്യ​ത.