മും​ബൈ: മ​ഹാ​രാ​ഷ്ട്ര​യി​ലെ ബ​ദ്‌​ലാ​പൂ​രി​ലെ ന​ഴ്സ​റി സ്കൂ​ൾ കു​ട്ടി​ക​ളെ ലൈം​ഗി​ക​മാ​യി പീ​ഡി​പ്പി​ച്ച കേ​സി​ലെ പ്ര​തി​യു​ടെ വീ​ട് അ​ടി​ച്ചു​ത​ക​ർ​ത്തു. ത​ക​ർ​ന്ന സീ​ലിം​ഗ് ഫാ​നും പാ​ത്ര​ങ്ങ​ളും മ​റ്റ് വീ​ട്ടു​പ​ക​ര​ണ​ങ്ങ​ളും എ​ല്ലാ​യി​ട​ത്തും ചി​ത​റി​ക്കി​ട​ക്കു​ന്ന​താ​യി ദൃ​ശ്യ​ങ്ങ​ളി​ൽ കാ​ണാം.

സ്‌​കൂ​ളി​ലെ തൂ​പ്പു​കാ​ര​ൻ അ​ക്ഷ​യ് ഷി​ൻ​ഡെ​യു​ടെ വീ​ടാ​ണ് ഒ​രു സം​ഘ​മാ​ളു​ക​ൾ ത​ക​ർ​ത്ത​ത്. ഓ​ഗ​സ്റ്റ് 16-ന് ​മൂ​ന്നും നാ​ലും വ​യ​സു​ള്ള വി​ദ്യാ​ർ​ഥി​നി​ക​ളെ പീ​ഡി​പ്പി​ച്ച പ്ര​തി​യെ പോ​ലീ​സ് പി​ന്നീ​ട് അ​റ​സ്റ്റ് ചെ​യ്തു. ഓ​ഗ​സ്റ്റ് 26 വ​രെ ഇ​യാ​ൾ പോ​ലീ​സ് റി​മാ​ൻ​ഡി​ൽ തു​ട​രും.

സം​ഭ​വ​ത്തി​ന് പി​ന്നാ​ലെ ചൊ​വ്വാ​ഴ്ച ആ​യി​ര​ക്ക​ണ​ക്കി​ന് പ്ര​തി​ഷേ​ധ​ക്കാ​ർ ട്രെ​യി​നു​ക​ൾ ത​ട​യു​ക​യും പെ​ൺ​കു​ട്ടി​ക​ൾ പീ​ഡി​പ്പി​ക്ക​പ്പെ​ട്ട സ്‌​കൂ​ളി​ലേ​ക്ക് ഇ​ര​ച്ചു​ക​യ​റു​ക​യും ചെ​യ്ത​തി​നെ തു​ട​ർ​ന്ന് ന​ഗ​രം സ്തം​ഭി​ച്ചി​രു​ന്നു.

സം​ഭ​വ​ത്തെ തു​ട​ർ​ന്ന് എ​ല്ലാ സ്‌​കൂ​ളു​ക​ളോ​ടും ഒ​രു മാ​സ​ത്തി​ന​കം സി​സി​ടി​വി കാ​മ​റ​ക​ൾ സ്ഥാ​പി​ക്ക​ണ​മെ​ന്ന് മ​ഹാ​രാ​ഷ്ട്ര സ​ർ​ക്കാ​ർ നി​ർ​ദേ​ശം ന​ൽ​കി. ആ​ഴ്ച​യി​ൽ മൂ​ന്ന് ത​വ​ണ​യെ​ങ്കി​ലും സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ക്ക​ണം, എ​ന്തെ​ങ്കി​ലും സം​ഭ​വ​ങ്ങ​ൾ കാ​മ​റ​ക​ളി​ൽ പ​തി​ഞ്ഞാ​ൽ പോ​ലീ​സി​നെ ബ​ന്ധ​പ്പെ​ടേ​ണ്ട​ത് പ്രി​ൻ​സി​പ്പ​ലി​ന്‍റെ ഉ​ത്ത​ര​വാ​ദി​ത്ത​മാ​ണെ​ന്നും ഉ​ത്ത​ര​വി​ൽ പ​റ​യു​ന്നു.

ലോ​ക്ക​ൽ പോ​ലീ​സ് സ്റ്റേ​ഷ​ന്‍റെ സ​ഹാ​യ​ത്തോ​ടെ എ​ല്ലാ ജീ​വ​ന​ക്കാ​രു​ടെ​യും പ​ശ്ചാ​ത്ത​ലം വി​ശ​ദ​മാ​യി പ​രി​ശോ​ധി​ക്കാ​ൻ സ്‌​കൂ​ൾ മാ​നേ​ജ്‌​മെ​ന്‍റു​ക​ൾ​ക്ക് നി​ർ​ദ്ദേ​ശം ന​ൽ​കി​യി​ട്ടു​ണ്ട്. സം​ഭ​വ​വു​മാ​യി ബ​ന്ധ​പ്പെ​ട്ട് പ്രി​ൻ​സി​പ്പ​ൽ, ക്ലാ​സ് ടീ​ച്ച​ർ, വ​നി​താ അ​റ്റ​ൻ​ഡ​ർ എ​ന്നി​വ​രെ സ​സ്പെ​ൻ​ഡ് ചെ​യ്തി​ട്ടു​ണ്ട്.

കേ​സ് അ​ന്വേ​ഷി​ക്കു​ന്ന​തി​ൽ വീ​ഴ്ച വ​രു​ത്തി​യ​തി​ന് മു​തി​ർ​ന്ന പോ​ലീ​സ് ഇ​ൻ​സ്പെ​ക്ട​ർ ഉ​ൾ​പ്പെ​ടെ മൂ​ന്ന് പോ​ലീ​സ് ഉ​ദ്യോ​ഗ​സ്ഥ​രെ​യും സ​സ്‌​പെ​ൻ​ഡ് ചെ​യ്തി​ട്ടു​ണ്ട്.