ന്യൂ​ഡ​ൽ​ഹി: തെ​ക്കു​പ​ടി​ഞ്ഞാ​റ​ൻ ഡ​ൽ​ഹി​യി​ലെ ന​ജ​ഫ്ഗ​ഡ് മേ​ഖ​ല​യി​ൽ അ​മ്മ​യെ കൊ​ല​പ്പെ​ടു​ത്തി​യ കേ​സി​ൽ യു​വ​തി​യും പ്ര​തി​ശ്രു​ത​വ​ര​നും സു​ഹൃ​ത്തും അ​റ​സ്റ്റി​ൽ.

മോ​ണി​ക്ക, ന​രേ​ല സ്വ​ദേ​ശി​യാ​യ ന​വീ​ൻ കു​മാ​ർ, ഇ​യാ​ളു​ടെ സു​ഹൃ​ത്ത് ഹ​രി​യാ​ന​യി​ലെ സോ​നി​പ​ത്തി​ൽ നി​ന്നു​ള്ള യോ​ഗേ​ഷ് എ​ന്ന യോ​ഗി എ​ന്നി​വ​രാ​ണ് അ​റ​സ്റ്റി​ലാ​യ​ത്.

വെ​ള്ളി​യാ​ഴ്ച​യാ​ണ് സം​ഭ​വ​വു​മാ​യി ബ​ന്ധ​പ്പെ​ട്ട് പോ​ലീ​സി​ന് കോ​ൾ ല​ഭി​ക്കു​ന്ന​ത്. ന​ജ​ഫ്ഗ​ഡ് മെ​യി​ൻ മാ​ർ​ക്ക​റ്റി​ലെ ഒ​രു റെ​സി​ഡ​ൻ​ഷ്യ​ൽ കെ​ട്ടി​ട​ത്തി​ന്‍റെ നാ​ലാം നി​ല​യി​ൽ 58 കാ​രി​യാ​യ അ​മ്മ ത​നി​ച്ചാ​ണ് താ​മ​സി​ക്കു​ന്ന​തെ​ന്നും വി​ളി​ച്ചി​ട്ട് പ്ര​തി​ക​രി​ക്കു​ന്നി​ല്ലെ​ന്നും അ​റി​യി​ച്ച് മോ​ണി​ക്ക​യാ​ണ് പോ​ലീ​സി​നെ വി​ളി​ച്ച​ത്.

ഒ​രു ദി​വ​സം മു​മ്പ് താ​ൻ അ​മ്മ​യെ സ​ന്ദ​ർ​ശി​ച്ചി​രു​ന്നു​വെ​ന്നും അ​പ്പോ​ൾ അ​വ​ർ‌​ക്ക് കു​ഴ​പ്പ​മൊ​ന്നു​മി​ല്ലാ​യി​രു​ന്നു​വെ​ന്നും അ​വ​ർ പ​റ​ഞ്ഞു. പോ​ലീ​സ് എ​ത്തി മു​റി​യു​ടെ വാ​തി​ൽ ത​ക​ർ​ത്ത് അ​ക​ത്ത് പ്ര​വേ​ശി​ച്ച​പ്പോ​ൾ സു​മ​തി എ​ന്ന സ്ത്രീ​യെ മ​രി​ച്ച നി​ല​യി​ൽ ക​ണ്ടെ​ത്തി.

ഇ​വ​രു​ടെ ക​ണ്ണി​ലും ഇ​രു​കൈ​ക​ളി​ലും മു​റി​വു​ണ്ടാ​യി​രു​ന്നു. അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി കെ​ട്ടി​ട​ത്തി​ലെ സി​സി​ടി​വി കാ​മ​റ​ക​ളു​ടെ ദൃ​ശ്യ​ങ്ങ​ൾ പോ​ലീ​സ് പ​രി​ശോ​ധി​ച്ചു. ര​ണ്ട് പു​രു​ഷ​ന്മാ​രും ഒ​രു സ്ത്രീ​യും പു​ല​ർ​ച്ചെ 2.18 ന് ​ഫ്ലാ​റ്റി​ലേ​ക്ക് വ​രു​ന്ന​താ​യി പോ​ലീ​സ് ക​ണ്ടെ​ത്തി.

ഈ ​സ്ത്രീ മോ​ണി​ക്ക​യാ​ണെ​ന്ന് പോ​ലീ​സ് തി​രി​ച്ച​റി​ഞ്ഞു. കൂ​ടെ​യു​ണ്ടാ​യി​രു​ന്ന​വ​ർ ന​വീ​ൻ, യോ​ഗേ​ഷ് എ​ന്നി​വ​രാ​ണെ​ന്നും പോ​ലീ​സ് ക​ണ്ടെ​ത്തി. മൂ​ന്ന് പേ​രെ​യും പോ​ലീ​സ് അ​റ​സ്റ്റ് ചെ​യ്യു​ക​യും ഭാ​ര​തീ​യ ന്യാ​യ സ​ൻ​ഹി​ത സെ​ക്ഷ​ൻ 103 (1) പ്ര​കാ​രം കേ​സെ​ടു​ക്കു​ക​യും ചെ​യ്തു.