തൃ​ശൂ​ർ: തൃ​ശൂ​ർ പൂ​രം പെ​രു​മ​യോ​ടെ ന​ട​ത്തു​മെ​ന്നും വെ​ടി​ക്കെ​ട്ടി​ന്‍റെ നി​ല​വി​ലു​ള്ള മാ​ന​ദ​ണ്ഡ​ങ്ങ​ൾ പ​രി​ഷ്ക​രി​ക്കാ​നു​ള്ള ശ്ര​മ​മാ​ണു ന​ട​ത്തു​ന്ന​തെ​ന്നും കേ​ന്ദ്ര​മ​ന്ത്രി സു​രേ​ഷ് ഗോ​പി. തൃ​ശൂ​ർ പൂ​രം വെ​ടി​ക്കെ​ട്ടു​മാ​യി ബ​ന്ധ​പ്പെ​ട്ടു ക​ള​ക്ട​റേ​റ്റി​ലെ യോ​ഗ​ത്തി​നു മു​ന്നോ​ടി​യാ​യി പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. ക​ഴി​ഞ്ഞ ത​വ​ണ​ത്തെ​പോ​ലു​ള്ള പ്ര​ശ്ന​ങ്ങ​ൾ ഒ​ഴി​വാ​ക്കും.

പൊതു​ജ​ന​ങ്ങ​ൾ​ക്കു സു​ഗ​മ​മാ​യി വെ​ടി​ക്കെ​ട്ടു കാ​ണാ​നു​ള്ള സാ​ധ്യ​ത​ക​ൾ പ​രി​ശോ​ധി​ക്കും. കു​ത്തി​യി​രു​ന്നു വെ​ടി​ക്കെ​ട്ടു​ക​ണ്ട് ആ​സ്വ​ദി​ച്ചി​രു​ന്ന, ഒ​രു ത​ല്ലു​പോ​ലും ന​ട​ക്കാ​ത്ത കാ​ല​മു​ണ്ടാ​യി​രു​ന്നു. ക​ഴി​ഞ്ഞ​വ​ട്ടം ഹി​ത​മ​ല്ലാ​ത്ത​തു ന​ട​ന്നു. സാ​ങ്കേ​തി​ക​മാ​യ ചി​ല മാ​റ്റ​ങ്ങ​ൾ വ​രു​ത്തി​ക്കൊ​ണ്ട് പൂ​രം ന​ട​ത്താ​നാ​ണ് നീ​ക്ക​മെ​ന്നും സു​രേ​ഷ് ഗോ​പി പ​റ​ഞ്ഞു.

വെ​ടി​ക്കെ​ട്ട് നി​യ​ന്ത്ര​ണ​ത്തി​ൽ ഇ​ള​വു വ​രു​ത്തു​ന്ന​തു​മാ​യി ബ​ന്ധ​പ്പെ​ട്ടു തേ​ക്കി​ൻ​കാ​ട് മൈ​താ​നി​യി​ൽ ഉ​ദ്യോ​സ്ഥ​സം​ഘം ക​ഴി​ഞ്ഞ​ദി​വ​സം പ്ര​ത്യേ​ക പ​രി​ശോ​ധ​ന ന​ട​ത്തി​യി​രു​ന്നു. ജി​ല്ലാ ക​ള​ക്ട​ർ, പെ​സോ ഉ​ദ്യോ​ഗ​സ്ഥ​ർ, സി​റ്റി പോ​ലീ​സ് ക​മ്മീ​ഷ​ണ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന.

ക​ള​ക്ട​ർ, മ​ന്ത്രി​മാ​ർ, പാ​റ​മേ​ക്കാ​വ്, തി​രു​വ​ന്പാ​ടി ദേ​വ​സ്വം ഭാ​ര​വാ​ഹി​ക​ൾ പ​ങ്കെ​ടു​ക്കു​ന്ന യോ​ഗ​മാ​ണ് ഇ​ന്നു ന​ട​ക്കു​ന്ന​ത്. കേ​ന്ദ്ര സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ള്ള ഉ​ദ്യോ​ഗ​സ്ഥ​രും പ​ങ്കെ​ടു​ക്കു​ന്നു​ണ്ട്.