പാ​രി​സ്: ഒ​ളി​മ്പി​ക്സി​ൽ ഭാ​ര​പ​രി​ശോ​ധ​ന​യി​ൽ പ​രാ​ജ​യ​പ്പെ​ട്ട് അ​യോ​ഗ്യ​യാ​ക്ക​പ്പെ​ട്ട ഇ​ന്ത്യ​ൻ ഗു​സ്തി താ​രം വി​നേ​ഷ് ഫോ​ഗ​ട്ടി​നെ ആ​ശ്വ​സി​പ്പി​ച്ച് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. താ​ര​ത്തെ ചാ​മ്പ്യ​ന്മാ​രി​ൽ ചാ​മ്പ്യ​നെ​ന്ന് വി​ശേ​ഷി​പ്പി​ച്ച മോ​ദി ഇ​ന്ത്യ​യു​ടെ അ​ഭി​മാ​ന​വും ഓ​രോ ഇ​ന്ത്യ​ക്കാ​ര​നും പ്ര​ചോ​ദ​ന​വു​മാ​ണ് വി​നേ​ഷ് ഫോ​ഗ​ട്ട് എ​ന്നും എ​ക്സി​ൽ കു​റി​ച്ചു.

"വി​നേ​ഷ്, നി​ങ്ങ​ൾ ചാ​മ്പ്യ​ന്മാ​രി​ൽ ചാ​മ്പ്യ​നാ​ണ്. ഇ​ന്ത്യ​യു​ടെ അ​ഭി​മാ​ന​വും ഓ​രോ ഇ​ന്ത്യ​ക്കാ​ര​നും പ്ര​ചോ​ദ​ന​വു​മാ​ണ്. ഇ​ന്ന​ത്തെ തി​രി​ച്ച​ടി വേ​ദ​നി​പ്പി​ക്കു​ന്നു. ഞാ​ന്‍ അ​നു​ഭ​വി​ക്കു​ന്ന നി​രാ​ശ വാ​ക്കു​ക​ളി​ലൂ​ടെ പ്ര​ക​ടി​പ്പി​ക്കാ​ന്‍ ആ​ഗ്ര​ഹി​ക്കു​ന്നു. അ​തേ​സ​മ​യം, നി​ങ്ങ​ള്‍ പ്ര​തി​രോ​ധ​ത്തി​ന്‍റെ പ്ര​തീ​ക​മാ​ണെ​ന്ന് എ​നി​ക്ക​റി​യാം. വെ​ല്ലു​വി​ളി​ക​ളെ ത​ല​യു​യ​ര്‍​ത്തി നേ​രി​ടു​ക എ​ന്ന​ത് നി​ങ്ങ​ളു​ടെ സ്വ​ഭാ​വ​മാ​ണ്. ശ​ക്ത​മാ​യി തി​രി​ച്ചു​വ​രൂ! ഞ​ങ്ങ​ള്‍ എ​ല്ലാ​വ​രും നി​ങ്ങ​ള്‍​ക്ക് പി​ന്തു​ണ ന​ല്‍​കു​ന്നു'- മോ​ദി കു​റി​ച്ചു.

ഗു​സ്തി ക​ലാ​ശ​പ്പോ​രി​ൽ മെ​ഡ​ൽ പ്ര​തീ​ക്ഷി​ച്ച ഇ​ന്ത്യ​യ്ക്ക് അ​പ്ര​തീ​ക്ഷി​ത തി​രി​ച്ച​ടി​യാ​ണ് വി​നേ​ഷ് ഫോ​ഗ​ട്ടി​ന്‍റെ അ​യോ​ഗ്യ​ത. ഇ​തോ​ടെ, വ​നി​ത​ക​ളു​ടെ ഫ്രീ​സ്റ്റൈ​ൽ 50 കി​ലോ​ഗ്രാം വി​ഭാ​ഗ​ത്തി​ൽ ഫൈ​ന​ലി​ൽ ക​ട​ന്ന വി​നേ​ഷ് ഫോ​ഗ​ട്ടി​ന് മെ​ഡ​ൽ ന​ഷ്ട​മാ​യേ​ക്കും.

ഇ​ന്ന് രാ​വി​ലെ ന​ട​ന്ന ഭാ​ര​പ​രി​ശോ​ധ​ന​യി​ല്‍ വി​നേ​ഷ് ഫോ​ഗ​ട്ടി​ന് അ​നു​വ​ദ​നീ​യ​മാ​യ ഭാ​ര​പ​രി​ധി​യെ​ക്കാ​ള്‍ 100 ഗ്രാം ​കൂ​ടു​ത​ലാ​ണെ​ന്ന് ക​ണ്ടെ​ത്തി​യി​രു​ന്നു. ഇ​ന്നു രാ​ത്രി ന​ട​ക്കേ​ണ്ടി​യി​രു​ന്ന ഫൈ​ന​ലി​ല്‍ അ​മേ​രി​ക്ക​യു​ടെ സാ​റാ ഹി​ല്‍​ഡ്ബ്രാ​ണ്ടു​മാ​യി​ട്ടാ​ണ് ഏ​റ്റു​മു​ട്ടേ​ണ്ടി​യി​രു​ന്ന​ത്. ഒ​ളി​മ്പി​ക്‌​സ് ഗു​സ്തി ഫൈ​ന​ലി​ല്‍ ക​ട​ക്കു​ന്ന ആ​ദ്യ ഇ​ന്ത്യ​ന്‍ വ​നി​ത​യെ​ന്ന ച​രി​ത്ര​നേ​ട്ട​ത്തി​ല്‍ നി​ല്‍​ക്കെ​യാ​ണ് മെ​ഡ​ലി​ന​രി​കെ ഫോ​ഗ​ട്ടി​ന് അ​യോ​ഗ്യ​ത വ​ന്നി​രി​ക്കു​ന്ന​ത്.