എം.വി.നികേഷ് കുമാർ സിപിഎം ജില്ലാ കമ്മിറ്റിയിൽ ; പ്രത്യേക ക്ഷണിതാവായി ഉൾപ്പെടുത്തി
Friday, August 2, 2024 4:26 PM IST
കണ്ണൂർ: എം.വി.നികേഷ് കുമാറിനെ സിപിഎം കണ്ണൂർ ജില്ലാ കമ്മിറ്റിയിൽ പ്രത്യേക ക്ഷണിതാവായി ഉൾപ്പെടുത്തി. പൊതുരംഗത്ത് സജീവമാകുന്നതിനായി അദ്ദേഹം മാധ്യമപ്രവർത്തനം അവസാനിപ്പിച്ചിരുന്നു.
2016 ൽ അഴീക്കോട് നിന്ന് എൽഡിഎഫ് സ്ഥാനാർഥിയായി നിയമസഭയിലേക്ക് മത്സരിച്ചിരുന്നെങ്കിലും യുഡിഎഫിലെ കെ. എം.ഷാജിയോട് പരാജയപ്പെട്ടിരുന്നു.
സിഎംപി നേതാവും മുൻ മന്ത്രിയുമായ എം.വി.രാഘവന്റെ മകനാണ് നികേഷ് കുമാർ. റിപ്പോർട്ടർ ചാനൽ എഡിറ്റർ ഇൻ ചീഫായി പ്രവർത്തിച്ചിരുന്നു.