ഡല്ഹി ഉത്തംനഗറില് യുവാവിന് വെടിയേറ്റു
Thursday, July 25, 2024 2:10 AM IST
ന്യൂഡല്ഹി: ഡല്ഹിയിലെ ഉത്തംനഗറില് യുവാവിന് വെടിയേറ്റു. സജ്ഞയ് എന്ക്ലേവില് പ്രവര്ത്തിക്കുന്ന ഗാരേജിന്റെ ഉടമസ്ഥന് പവന് ഗാര്ഗിനാണ് വെടിയേറ്റത്.
ബുധനാഴ്ച വൈകുന്നേരമാണ് സംഭവം. പവന്റെ ഗാരേജിലെത്തിയ അക്രമി വെടിവയ്ക്കുകയായിരുന്നു. കഴുത്തിന് ഗുരുതരമായി പരിക്കേറ്റ പവന് ഗാര്ഗിനെ പിന്നീട് ആശുപത്രിയിലേക്ക് മാറ്റി.
പവനെ വെടിവയ്ച്ചതിന് ശേഷം ആക്രമി കടന്നുകളഞ്ഞു. സംഭവത്തില് പോലീസ് അന്വേഷണം ആരംഭിച്ചു. കുറ്റവാളിയെ വൈകാതെ തന്നെ പിടികൂടുമെന്നും പോലീസ് അറിയിച്ചു.
ആശുപത്രിയില് ചികിത്സയിലുള്ള പവന്റെ നില മെച്ചപ്പെട്ടതായും പോലീസ് അറിയിച്ചു.