യുവാവിനെ ബൈക്ക് ഇടിച്ച് വീഴ്ത്തി കൊലപ്പെടുത്താന് ശ്രമിച്ച മൂന്നുപേർ പിടിയിൽ
Wednesday, July 24, 2024 8:32 PM IST
തൃശൂര്: കുന്നംകുളം വൈശേരിയില് യുവാവിനെ ബൈക്ക് ഇടിച്ച് വീഴ്ത്തി കൊലപ്പെടുത്താന് ശ്രമിച്ച സംഭവത്തില് മൂന്നുപേർ പിടിയിൽ. ചിറളയം സ്വദേശികളായ ചെറുശേരി വീട്ടില് ഷൈന് സി ജോസ്, പാറമേല് വീട്ടില് ലിയോ പി വര്ഗീസ്, ചിറയത്ത് വീട്ടില് അജിത്ത് എന്നിവരാണ് പിടിയിലായത്.
കുന്നംകുളം വൈശേരി സ്വദേശി പുളിപ്പറമ്പില് വീട്ടില് ജിനീഷിനെ (25) യാണ് ഇവർ കൊലപ്പെടുത്താൻ ശ്രമിച്ചത്. ജിനീഷിനെ സംഘം ബൈക്ക് ഇടിച്ചുവീഴ്ത്തി കൊലപ്പെടുത്താൻ ശ്രമിക്കുകയായിരുന്നു.
ശേഷം ജിനീഷിന്റെ തലയ്ക്ക് ഇരുമ്പ് പൈപ്പ് കൊണ്ട് അടിക്കുകയായിരുന്നു. വീട്ടിലേക്ക് ജിനീഷ് ഓടിക്കയറിയതോടെ ജിനീഷിന്റെ പിതാവിനെയും ഇവർ മർദിച്ചതായി പറയുന്നു.
ചിറളയം ശ്രീരാമസ്വാമി ക്ഷേത്രം ഉത്സവത്തിനിടെ സംഘര്ഷം നടന്നിരുന്നു. ഇതുമായി ബന്ധപ്പെട്ടാണ് യുവാവിനു നേരേ ആക്രമണം ഉണ്ടായതെന്നാണ് പരാതി.