ജമ്മു കാഷ്മീരിൽ ഏറ്റുമുട്ടൽ തുടരുന്നു; ഒരു ഭീകരനെ വധിച്ചു
Wednesday, July 24, 2024 6:58 PM IST
ശ്രീനഗർ: ജമ്മു കാഷ്മീരിൽ സേനയും ഭീകരരും തമ്മിലുണ്ടായ ഏറ്റുമുട്ടലിൽ ഒരു ഭീകരനെ വധിച്ചു. ഏറ്റുമുട്ടലിൽ ഒരു ജവാന് പരിക്കേറ്റിട്ടുണ്ട്.
പ്രദേശത്ത് ഏറ്റുമുട്ടൽ തുടരുകയാണ്. സൈന്യം പ്രദേശം വളഞ്ഞിരിക്കുകയാണ്. കുപ്വാരയിലെ കോവട് മേഖലയിൽ ഇന്നലെ രാത്രിയാണ് ഭീകരരുടെ സാന്നിധ്യം കണ്ടെത്തിയത്. തുടർന്ന് സൈന്യവും ജമ്മു കാഷ്മീർ പോലീസും സ്ഥലത്ത് പരിശോധന നടത്തിയിരുന്നു.
ഇതിനിടെ ഭീകരർ വെടിയുതിർക്കുകയായിരുന്നു. പിന്നാലെ സൈന്യം തിരിച്ചടിച്ചു. ഇന്നലെ മുതൽ പ്രദേശത്ത് സൈന്യവും ഭീകരരും തമ്മിൽ ഏറ്റുമുട്ടൽ തുടരുകയാണ്. ഏറ്റുമുട്ടലിൽ ഇന്നലെ ഒരു ജവാൻ വീരമൃത്യുവരിച്ചിരുന്നു. ലാൻസ് നായ്ക് സുബാഷ് ചന്ദ്രനാണ് വീരമൃത്യുവരിച്ചത്.