ബജറ്റിൽ വിവേചനം; പ്രക്ഷോഭം നടത്തണമെന്ന് കെ.സുധാകരന്
Wednesday, July 24, 2024 2:27 AM IST
തിരുവനന്തപുരം: മൂന്നാം മോദി സർക്കാരിന്റെ ആദ്യ ബജറ്റ് ഫെഡറല് തത്വങ്ങള്ക്ക് എതിരാണെന്ന് കെപിസിസി പ്രസിഡന്റ് കെ. സുധാകരന് എംപി. എൻഡിഎ മുന്നണിയുടെ സങ്കുചിത താത്പര്യങ്ങൾ സംരക്ഷിക്കുന്നതിനുള്ള രാഷ്ട്രീയപ്രേരിത ബജറ്റാണ് അവതരിപ്പിച്ചത്.
എന്ഡിഎയുടെ ഘടകക്ഷികള്ക്ക് പരിഗണന നല്കിയതിന് അപ്പുറം ജനപ്രിയ പദ്ധതികളൊന്നുമില്ല. രാജ്യത്തെ മതേതര രാഷ്ട്രീപാര്ട്ടികള് സംയുക്തമായി ഈ വിവേചന നിലപാടിനെതിരെ പ്രക്ഷോഭം നടത്തണമെന്നും സുധാകരന് ആവശ്യപ്പെട്ടു. ബിഹാറിനും ആന്ധ്രയ്ക്കും കൂടുതല് സാമ്പത്തിക സഹായം പ്രഖ്യാപിച്ചപ്പോള് കേരളത്തെ തഴഞ്ഞു.
സംസ്ഥാനത്തിന്റെ സാമ്പത്തിക പ്രതിസന്ധിക്ക് പരിഹാരം കാണാന് ഒരു സഹായവും പ്രഖ്യാപിക്കാത്തത് നിരാശാജനകമാണ്. കേരളത്തിനോടുള്ള അവഗണനയ്ക്ക് എതിരെ എല്ലാവരുടേയും യോജിച്ചുള്ള സമരം അനിവാര്യമാണെന്ന് അദ്ദേഹം പറഞ്ഞു.