സുരേന്ദ്രന് മാലിന്യം നിറഞ്ഞ മനസ്: പി.എ. മുഹമ്മദ് റിയാസ്
Tuesday, July 23, 2024 9:36 PM IST
തിരുവനന്തപുരം: കേന്ദ്ര ബജറ്റിന് പിന്നാലെ ബിജെപി സംസ്ഥാന അധ്യക്ഷൻ കെ. സുരേന്ദ്രൻ നടത്തിയ പ്രതികരണത്തിനെതിരേ പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ്. മാലിന്യം നിറഞ്ഞ മനസാണ് സുരേന്ദ്രനെന്നായിരുന്നു റിയാസിന്റെ പ്രതികരണം.
സുരേന്ദ്രന്റേത് നിലവാരം കുറഞ്ഞ മറുപടിയാണ്. കേരളത്തിന് വേണ്ടി വകയിരുത്തുകയല്ല, വകവരുത്തുകയാണ് കേന്ദ്രം ചെയ്തത്. സാമ്പത്തികമായി കേരളത്തെ കൊലപ്പെടുത്താൻ ആണ് കേന്ദ്രം ശ്രമിക്കുന്നതെന്നും റിയാസ് അഭിപ്രായപ്പെട്ടു.
ബജറ്റിൽ കേരളത്തെ അവഗണിച്ചിട്ടില്ലെന്നാണ് അഭിപ്രായപ്പെട്ടത്. കേരളം വേറൊരു രാജ്യമായി കാണാൻ ആഗ്രഹിക്കുന്ന ആളാണ് മുഹമ്മദ് റിയാസ് എന്നും സുരേന്ദ്രൻ റഞ്ഞിരുന്നു.