ഷിരൂർ ദുരന്തം; അർജുന് വേണ്ടിയുള്ള തെരച്ചിലിൽ തൃപ്തരാണെന്ന് കുടുംബം
Tuesday, July 23, 2024 8:22 PM IST
കോഴിക്കോട്: ഷിരൂരിലെ മണ്ണിടിച്ചിലിൽ കാണാതായ അർജുന് വേണ്ടിയുള്ള തെരച്ചിലിൽ തൃപ്തരാണെന്ന് അർജുന്റെ കുടുംബം. നല്ല രീതിയിൽ തെരെച്ചിൽ നടക്കുന്നുവെന്ന് അർജുന്റെ സഹോദരി അഞ്ജു പ്രതികരിച്ചു.
ഇപ്പോളത്തെ രീതിയിൽ തന്നെ തെരച്ചിൽ തുടരണം. സാധ്യമായ എല്ലാ യന്ത്രങ്ങളും തെരെച്ചിലിനു ഉപയോഗിക്കണം.
ഇതുപോലെ തന്നെ മുന്നോട്ട് പോകണം. ഇവിടുന്നു പോയ സന്നദ്ധ പ്രവർത്തകരോട് നന്ദിയുണ്ടെന്നും അർജുന്റെ കുടുംബം അറിയിച്ചു.