മദ്യനയം മാറ്റാൻ ബാറുടമകൾ ആർക്കും കോഴ നൽകിയിട്ടില്ലെന്ന് ക്രൈംബ്രാഞ്ച്
Tuesday, July 23, 2024 6:47 AM IST
തിരുവനന്തപുരം: രണ്ടാം ബാർക്കോഴ വിവാദത്തിൽ കോഴയില്ലെന്ന് ക്രൈംബ്രാഞ്ച് കണ്ടെത്തി. മദ്യനയം മാറ്റാൻ ബാറുടമകള് ആർക്കും കോഴ നൽകിയിട്ടില്ലെന്ന് കണ്ടെത്തി അന്വേഷണ റിപ്പോർട്ട് നൽകാനൊരുങ്ങുകയാണ് ക്രൈംബ്രാഞ്ച്.
മദ്യനയം മാറ്റാൻ കോഴ പിരിക്കണമെന്ന ബാറുടമ അനിമോന്റെ ശബ്ദരേഖ തെറ്റിദ്ധാരണമൂലമെണെന്നും കണ്ടെത്തി. പണം പിരിച്ചത് തലസ്ഥാനത്ത് അസോസിയേഷന്റെ പുതിയ കെട്ടിടം വാങ്ങാനാണെന്ന ബാറുടമകളുടെ വിശദീകരണം ശരിവച്ചാണ് ക്രൈം ബ്രാഞ്ചിന്റെ റിപ്പോർട്ട്.
കെട്ടിട നിർമാണത്തിന് പണം പിരിക്കുന്നതിൽ ഇടുക്കി ജില്ല വീഴ്ച വരുത്തിയിരുന്നു. സംസ്ഥാന എക്സിക്യൂട്ടീവിൽ വിമർശനം ഉയർന്നപ്പോള് ഉണ്ടായ ദേഷ്യത്തിലാണ് ശബ്ദരേഖ ഇട്ടതെന്ന് അനിമോൻ ക്രൈം ബ്രാഞ്ചിന് മൊഴി നൽകിയിരുന്നു,