കൻവാർ യാത്ര: കടയുടമകളുടെ പേര് പ്രദർശിപ്പിക്കേണ്ട; ഉത്തരവിന് സുപ്രീംകോടതി സ്റ്റേ
Monday, July 22, 2024 3:26 PM IST
ന്യൂഡൽഹി: കന്വര് യാത്രാവഴിയിലെ ഹോട്ടലുകള് ഉടമയുടെ പേര് പ്രദര്ശിപ്പിക്കണമെന്ന യുപി അടക്കമുള്ള സംസ്ഥാനങ്ങളുടെ വിവാദ ഉത്തരവിന് ഇടക്കാല സ്റ്റേ. വിഷയത്തില് യുപി, ഉത്തരാഖണ്ഡ്, മധ്യപ്രദേശ് സര്ക്കാരുകള്ക്ക് സുപ്രീംകോടതി നോട്ടീസ് അയച്ചു.
തൃണമൂല് കോണ്ഗ്രസ് എംപി മഹുവ മൊയ്ത്ര അടക്കമുള്ളവരാണ് വിവാദ സർക്കാർ ഉത്തരവിനെതിരേ സുപ്രീംകോടതിയെ സമീപിച്ചത്. ജസ്റ്റീസുമാരായ ഋഷികേശ് റോയി,എസ്.എന്.വി.ഭട്ടി എന്നിവരടങ്ങിയ ബെഞ്ചിന്റേതാണ് വിധി.
ഹോട്ടലുകളിൽ എന്തുതരം ഭക്ഷണമാണ് വിതരണം ചെയ്യുന്നതെന്ന് പ്രദര്ശിപ്പിക്കണമെന്ന് കോടതി നിർദേശിച്ചു. എന്നാൽ കടയുടമയുടെ പേര് പ്രദര്ശിപ്പിക്കണമെന്ന ഉത്തരവ് മൗലിക അവകാശത്തിന്റെ ലംഘനമാണെന്നും കോടതി നിരീക്ഷിച്ചു.