ആയുധങ്ങളും മയക്കുമരുന്നും കൈവശംവച്ച കേസ്; വ്ലോഗർ വിക്കി തഗ് കോടതിയിൽ കീഴടങ്ങി
Saturday, July 20, 2024 7:24 AM IST
പാലക്കാട്: തോക്കും കത്തിയും എംഡിഎംഎയും കൈവശം വച്ച കേസിൽ വ്ലോഗർ വിക്കി തഗ് എന്ന വിഘ്നേഷ് കോടതിയിൽ കീഴടങ്ങി. പാലക്കാട് കോടതിയിൽ എത്തിയാണ് കീഴടങ്ങിയത്.
ആയുധ നിയമ പ്രകാരം ഇയാൾക്കെതിരേ പോലീസ് കേസെടുത്തിരുന്നു. തുടർന്ന് ഇയാൾ ഒളിവിലായിരുന്നു. കേസിൽ വിഘ്നേഷിന്റെ കൂട്ടാളിയായ വിനീത് തമ്പിയെ പോലീസ് നേരത്തെ അറസ്റ്റ് ചെയ്തിരുന്നു.
2022ല് പാലക്കാടുവച്ചാണ് ആയുധങ്ങളും എംഡിഎംഎയുമായി ഇരുവരെയും എക്സൈസ് പിടികൂടിയത്. 20 ഗ്രാം മെത്തംഫെറ്റമിന്, കത്തി, തോക്ക് എന്നിവ ഇവരിൽനിന്ന് കണ്ടെടുത്തിരുന്നു.
തുടർന്ന് ലഹരിക്കടത്ത് കേസില് ഇരുവര്ക്കും ജാമ്യം ലഭിച്ചു. എന്നാൽ ആയുധം കൈവശംവെച്ച കേസില് പ്രതികൾക്ക് കോടതി ജാമ്യം നിഷേധിച്ചതോടെയാണ് ഇവർ ഒളിവിൽ പോയത്.