അഞ്ചലില് വന് മയക്കുമരുന്ന് വേട്ട; രണ്ടു യുവാക്കൾ പിടിയിൽ
Friday, July 19, 2024 7:15 PM IST
കൊല്ലം: കാറിൽ കടത്തിക്കൊണ്ടു വരികയായിരുന്ന എംഡിഎംഎയുമായി രണ്ടു യുവാക്കളെ പോലീസ് അറസ്റ്റ് ചെയ്തു. അഞ്ചല് സ്വദേശികളായ അലി ഷര്ബാന്, മനോജ് എന്നിവരാണ് 13 ഗ്രാം എംഡിഎംഎയുമായി അറസ്റ്റിലായത്.
രഹസ്യ വിവരത്തിന്റെ അടിസ്ഥാനത്തിൽ കൊല്ലം റൂറൽ ഡാൻസഫ് സംഘത്തിന്റെയും അഞ്ചല് പോലീസിന്റേയും നേതൃത്വത്തിൽ നടത്തിയ വാഹന പരിശോധനയിലാണ് ഇരുവരും കുടുങ്ങിയത്. പോലീസിനെ കണ്ട് കാർ അമിത വേഗതയിൽ ഓടിച്ചു പോകാൻ ശ്രമിച്ചെങ്കിലും പോലീസ് കാർ തടയുകയായിരുന്നു.
കാറില് നിന്നും ഇറങ്ങിയ പ്രതികൾ സമീപത്തെ മതില് ചാടി രക്ഷപെടാൻ ശ്രമിച്ചെങ്കിലും പോലീസ് പിന്തുടർന്ന് പിടികൂടുകയായിരുന്നു. തുടർന്ന് നടത്തിയ പരിശോധനയിലാണ് വാഹനത്തിനുള്ളിൽ 13 ഗ്രാം എംഡിഎംഎ കണ്ടെടുത്തത്. ബംഗളൂരുവിൽ നിന്നാണ് പ്രതികൾ മയക്കുമരുന്ന് വാങ്ങിയതെന്ന് പോലീസ് കണ്ടെത്തി.