കർണാടകയിൽ മണ്ണിടിച്ചിൽ; നാലുപേർ മരിച്ചു
Thursday, July 18, 2024 6:27 AM IST
ബംഗുളൂരു: കർണാടകയിൽ കനത്ത മഴയെ തുടർന്നുണ്ടായ മണ്ണിടിച്ചിലിൽ നാലുപേർ മരിച്ചു. മൂന്നുപേരെ കാണാതായി. ഉത്തർ കന്നഡ ജില്ലയിലെ ദേശീയപാത 66ൽ അങ്കോള താലൂക്കിലെ ഷിരൂർ ഗ്രാമത്തിന് സമീപമാണ് മണ്ണിടിഞ്ഞത്.
അപകടത്തിൽപ്പെട്ട ഏഴ് പേരിൽ നാല് പേർ ഒരു കുടുംബത്തിലുള്ളവരാണെന്ന് ഉത്തര കന്നഡ ഡെപ്യൂട്ടി കമ്മീഷണർ ലക്ഷ്മി പ്രിയ പറഞ്ഞു. കാണാതായവരെ കണ്ടെത്തുന്നതിനായി തിരച്ചിൽ പുരോഗമിക്കുകയാണ്.