കനത്ത മഴ; മസ്ക്കറ്റ് -കണ്ണൂര് എയർഇന്ത്യ എക്സ്പ്രസ് വിമാനം വഴിതിരിച്ചുവിട്ടു
Monday, July 15, 2024 9:29 PM IST
കണ്ണൂര്: കനത്ത മഴയെ തുടര്ന്ന് മസ്ക്കറ്റ് -കണ്ണൂര് വിമാനം വഴിതിരിച്ചുവിട്ടു. തിങ്കളാഴ്ച ഉച്ചയ്ക്ക് 2.40ന് മസ്ക്കറ്റിൽ നിന്നും കണ്ണൂർ വിമാനത്താവളത്തിൽ എത്തിയ എയര് ഇന്ത്യ എക്സ്പ്രസ് വിമാനമാണ് ബംഗുളൂരുവിലേക്ക് തിരിച്ചുവിട്ടത്.
മഴയെ തുടര്ന്ന് വിമാനം റണ്വേയില് ഇറക്കാന് സാധിച്ചില്ല. പിന്നീട് കാലാവസ്ഥ അനുകൂലമായ ശേഷം വൈകീട്ട് 6.10നാണ് വിമാനം തിരികെ കണ്ണൂരിലെത്തിയത്.
കൂടാതെ, മോശം കാലാവസ്ഥയെ തുടർന്ന് ബംഗുളൂരു, ഷാര്ജ എന്നിവിടങ്ങളിലേക്കുള്ള സര്വീസുകള് രണ്ടു മണിക്കൂറിലധികം വൈകിയാണ് കണ്ണൂരില് നിന്ന് പുറപ്പെട്ടത്.