ബിജെപി മുൻ കൗൺസിലറുടെ വീടിന് നേരെ ആക്രമണം; യുവമോർച്ച നേതാവ് ഉൾപ്പടെ അറസ്റ്റിൽ
Monday, July 15, 2024 5:55 PM IST
പാലക്കാട്: ബിജെപി മുൻ കൗണ്സിലറുടെ വീട് ആക്രമിച്ച യുവമോർച്ച നേതാവ് ഉൾപ്പടെ അഞ്ച് പേർ അറസ്റ്റിൽ. പാലക്കാട്ട് ആണ് സംഭവം.
ബിജെപി മുൻ കൗൺസിലർ അച്ചുതാനന്ദന്റെ വീടാണ് ആക്രമിച്ചത്. മണലി സ്വദേശിയും യുവമോർച്ച മണ്ഡലം ഭാരവാഹിയുമായ രാഹുലിന്റെ നേതൃത്വത്തിലായിരുന്നു അക്രമണം.
സംഭവത്തിൽ രാഹുല്, സുഹൃത്തുക്കളായ അനുജിൽ, അജേഷ് കുമാർ, സീന പ്രസാദ്, മഞ്ഞല്ലൂർ സ്വദേശിയായ അജേഷ് എന്നിവരാണ് അറസ്റ്റിലായത്. അച്ചുതാനന്ദൻ സാമൂഹ്യ മാധ്യമത്തിൽ ഇട്ട പോസ്റ്റിന്റെ പേരിലാണ് ആക്രമണമുണ്ടായത്. അറസ്റ്റ് ചെയ്ത പ്രതികളെ സ്റ്റേഷൻ ജാമ്യത്തിൽ വിട്ടു.