തിരുവനന്തപുരത്ത് സ്കൂൾ ബസ് തോട്ടിലേക്ക് മറിഞ്ഞ് അപകടം; വിദ്യാർഥികൾക്ക് പരിക്ക്
Monday, July 15, 2024 12:41 PM IST
തിരുവനന്തപുരം: സ്കൂൾ ബസ് തോട്ടിലേക്കു മറിഞ്ഞുണ്ടായ അപകടത്തിൽ വിദ്യാർഥികൾക്ക് പരിക്കേറ്റു. നെയ്യാറ്റിൻകര കാരോട് കിഡ്സ് വാലി സ്കൂളിലെ ബസാണ് അപകടത്തിൽപെട്ടത്.
ഇടുങ്ങിയ വഴിയിൽ കൂടി പോകുകയായിരുന്ന സ്കൂൾ ബസ് മറ്റൊരു വാഹനത്തിന് വഴികൊടുക്കവേ തോട്ടിലേക്കു മറിയുകയായിരുന്നു. പരിക്കേറ്റ വിദ്യാർഥികളെ പാറശാല ആശുപത്രിയിൽ പ്രവേശിപ്പിച്ചു. തലക്ക് പരിക്കേറ്റ ഒരു കുട്ടിയെ എസ്എടി ആശുപത്രിയിലേക്ക് മാറ്റി.