എറണാകുളത്ത് കാട്ടാനയുടെ ജഡം കണ്ടെത്തി
Monday, July 15, 2024 1:13 AM IST
കൊച്ചി: പെരുമ്പാവൂർ വേങ്ങൂരിൽ കാട്ടാനയുടെ ജഡം കണ്ടെത്തി. സ്വകാര്യവ്യക്തിയുടെ പുരയിടത്തൽ ആണ് സംഭവം. കൊച്ചുപുരയ്ക്കൽ കടവിൽ ഫ്രാൻസിസ് എന്നയാളുടെ വീടിനോട് ചേർന്നുള്ള പുരയിടത്തിലാണ് ആനയുടെ ജഡം കണ്ടെത്തിയത്.
പിടിയാനയാണ് ചരിഞ്ഞത്. പ്രദേശത്ത് ദുർഗന്ധം ഉയർന്നതോടെ നാട്ടുകാർ തിരച്ചിൽ നടത്തുകയായിരുന്നു. തുടർന്നാണ് ആനയുടെ ജഡം കണ്ടെത്തിയത്. ജഡത്തിന് ഒന്നിൽ കൂടുതൽ ദിവസത്തെ പഴക്കമുണ്ട്.
ഇലക്ട്രിക് ലൈനിൽ നിന്ന് ഷോക്കേറ്റാണ് ആന ചരിഞ്ഞതെന്നാണ് നിഗമനം. സമീപത്തെ പ്ലാവിൽനിന്ന് ചക്കയിടാൻ ശ്രമിക്കുന്നതിനിടെ ആനയ്ക്ക് ഷോക്കേറ്റതാകാം എന്ന് സംശയിക്കുന്നു.