ടി20; സിംബാബ്വെയെ തകർത്ത് ഇന്ത്യയ്ക്ക് വിജയം
Sunday, July 14, 2024 8:29 PM IST
ഹരാരെ: സിംബാബ്വെക്കെതിരായ അഞ്ചാം ടി20 മത്സരത്തിൽ ഇന്ത്യയ്ക്ക് തകർപ്പൻ വിജയം. ഹരാരെ സ്പോര്ട്സ് ക്ലബില് നടന്ന മത്സരത്തിൽ 42 റണ്സിന്റെ ജയത്തോടെ ഇന്ത്യ 4-1 പരന്പര സ്വന്തമാക്കി.
സ്കോർ: ഇന്ത്യ: 167/6, സിംബാബ്വെ: 125/10(18.3). ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില് ആറ് വിക്കറ്റ് നഷ്ടത്തില് 167 റണ്സാണ് നേടിയത്. 58 റണ്സെടുത്ത സഞ്ജു സാംസണാണ് ഇന്ത്യയുടെ ടോപ് സ്കോറര്.
ബ്ലെസിംഗ് മുസറബാനി സിംബാബ്വെക്ക് വേണ്ടി രണ്ട് വിക്കറ്റ് നേടി. മറുപടി ബാറ്റിംഗിന് ഇറങ്ങിയ സിംബാബ്വെ 18.3 ഓവറില് 125ന് എല്ലാവരും പുറത്തായി. ഡിയോണ് മിയേഴ്സ് (34), മരുണമി (27) ഫറാസ് അക്രം (27) എന്നിവര് മികച്ച പ്രകടനം പുറത്തെടുത്തു.
ഇന്ത്യയ്ക്കായി മുകേഷ് കുമാര് നാലും ശിവം ദുബെ രണ്ടും വിക്കറ്റ് വീഴ്ത്തി. രണ്ടു വിക്കറ്റും 26 റൺസും നേടിയ ശിവം ദുബെയെ കളിയിലെ താരമായും വാഷിംഗ്ടണ് സുന്ദറിനെ പരന്പരയുടെ താരമായും തെരഞ്ഞെടുത്തു.