ഡോക്ടർ വന്ദന ദാസിന്റെ വീട് സന്ദർശിച്ച് കേന്ദ്രമന്ത്രി സുരേഷ് ഗോപി
Sunday, July 14, 2024 11:25 AM IST
കോട്ടയം: കൊട്ടാരക്കര താലൂക്ക് ആശുപത്രിയിൽ കൊല്ലപ്പെട്ട ഡോക്ടർ വന്ദന ദാസിന്റെ വീട്ടിൽ സന്ദർശനം നടത്തി കേന്ദ്രമന്ത്രി സുരേഷ് ഗോപി. കടുത്തുരുത്തിയിലെ വീട്ടിലെത്തിയ സുരേഷ് ഗോപി, വന്ദന ദാസിന്റെ മാതാപിതാക്കളുമായി സംസാരിച്ചു.
കേന്ദ്രമന്ത്രിയായതിന് ശേഷം ആദ്യമായാണ് സുരേഷ് ഗോപി ഇവിടെ എത്തിയത്. കുടുംബത്തിന് ഏത് ഘട്ടത്തിലും ആവശ്യമായ സഹായങ്ങൾ നൽകിവരുന്നയാളാണ് സുരേഷ് ഗോപി എന്ന് വന്ദന ദാസിന്റെ അച്ഛൻ പറഞ്ഞു.
മേയ് 10നാണ് കൊട്ടാരക്കര താലൂക്ക് ആശുപത്രിയിൽ വച്ച് വന്ദന ദാസിനെ പോലീസ് മെഡിക്കൽ പരിശോധനയ്ക്ക് എത്തിച്ച പ്രതി കുത്തിക്കൊന്നത്. കൊല്ലം അസീസിയ മെഡിക്കൽ കോളജിലെ വിദ്യാർഥിയായിരുന്ന ഡോ. വന്ദന.