കുടുംബപ്രശ്നം; ഭാര്യയെ കഴുത്തറുത്ത് കൊലപ്പെടുത്തിയ ശേഷം ഭര്ത്താവ് ജീവനൊടുക്കി
Saturday, July 13, 2024 10:52 AM IST
കൊച്ചി: വരാപ്പുഴയ്ക്കടുത്ത് വഴിക്കുളങ്ങരയില് ഭാര്യയെ കൊലപ്പെടുത്തിയ ശേഷം ഭര്ത്താവ് ജീവനൊടുക്കി. കൈതാരം സ്വദേശി വനജ(66) ആണ് കൊല്ലപ്പെട്ടത്.
ഇവരുടെ ഭര്ത്താവ് വിദ്യാദരന്(70) വനജയെ കഴുത്തറുത്ത് കൊലപ്പെടുത്തിയ ശേഷം തൂങ്ങിമരിക്കുകയായിരുന്നു. രാവിലെ എട്ടരയോടെയാണ് സംഭവം.
വനജയ്ക്ക് കഴിഞ്ഞ കുറച്ചുനാളായി കാഴ്ച നഷ്ടപെട്ടിരുന്നു. ഇതേ തുടര്ന്ന് ചില മാനസികമായ ബുദ്ധിമുട്ടികളും ഉണ്ടായിരുന്നു. ഇതേ ചൊല്ലി ഇരുവരും തമ്മില് വഴക്ക് പതിവായിരുന്നു.
വഴക്കിനിടെ ഇന്ന് രാവിലെ വിദ്യാദരന് മകളെ ഫോണില് വിളിച്ച് അമ്മയെ കൊലപ്പെടുത്തുമെന്ന് പറഞ്ഞിരുന്നു. ഇതോടെ മകള് പറഞ്ഞത് അനുസരിച്ച് അയല്ക്കാര് വീട്ടിലെത്തി നോക്കിയപ്പോഴാണ് ഇരുവരെയും മരിച്ച നിലയില് കണ്ടെത്തിയത്.