നീറ്റ് ക്രമക്കേട്; 68 ചോദ്യപേപ്പര് കത്തിച്ച നിലയില് കണ്ടെത്തി
Monday, June 24, 2024 10:54 AM IST
പാറ്റ്ന: നീറ്റ് പരീക്ഷയുടെ ചോദ്യപേപ്പര് ചോര്ന്നതിന് സിബിഐ അന്വേഷണ സംഘത്തിന് തെളിവ് നല്കി ബിഹാര് പോലീസ്. 68 ചോദ്യപേപ്പറുകള് കത്തിച്ച നിലയില് കണ്ടെത്തി.
കത്തിച്ച പേപ്പറുകളിലെ ചോദ്യങ്ങൾ യഥാർഥ ചോദ്യ പേപ്പറുമായി യോജിക്കുന്നതാണ്. ഇതുസംബന്ധിച്ച തെളിവുകളാണ് സിബിഐക്ക് കൈമാറിയത്. കേസിൽ അറസ്റ്റിലായ പ്രതികളിൽ ഒരാൾ 30 വിദ്യാർഥികൾക്ക് ചോദ്യപേപ്പർ നൽകിയെന്നും കണ്ടെത്തിയിട്ടുണ്ട്.
ജാര്ഖണ്ഡിലെ ഒയാസിസ് സ്കൂള് എന്ന കേന്ദ്രത്തിലെ പേപ്പറുകളാണ് ചോര്ന്നതെന്ന് പോലീസ് സ്ഥിരീകരിച്ചിരുന്നു. സംഭവത്തിൽ സിബിഐ സംഘം അന്വേഷണം ഊര്ജിതമാക്കിയിട്ടുണ്ട്.
ഡൽഹി സിബിഐ യൂണിറ്റിലെ ഉദ്യോഗസ്ഥരെ നാല് സംഘങ്ങളാക്കി തിരിച്ചാണ് അന്വേഷണം പുരോഗമിക്കുന്നത്. എന്ടിഎയിലെ ചില ഉദ്യോഗസ്ഥർ അടക്കമുള്ളവർക്ക് സിബിഐ ചോദ്യം ചെയ്യലിന് നോട്ടീസ് നൽകും.