സ്കൂട്ടറും ഓട്ടോറിക്ഷയും കൂട്ടിയിടിച്ചു; അമ്മയ്ക്കും മകനും ദാരുണാന്ത്യം
Sunday, June 23, 2024 9:21 PM IST
കൊച്ചി: സ്കൂട്ടറും ഓട്ടോറിക്ഷയും കൂട്ടിയിടിച്ചുണ്ടായ അപകടത്തിൽ അമ്മയും മകനും മരിച്ചു. വടക്കൻ പറവൂരിലുണ്ടായ അപകടത്തിൽ വൈപ്പിൻ നായരമ്പലം സ്വദേശി ബിന്ദു (44), മകൻ അൻവിൻ (12) എന്നിവരാണ് മരിച്ചത്.
പറവൂർ ചെറായി പാടത്ത് ഞായറാഴ്ച വൈകുന്നേരം എട്ടിനുണ്ടായ അപകടത്തിൽ ബിന്ദുവിന്റെ ഭര്ത്താവിനെ പരിക്കുകളോടെ ആശുപത്രിയില് പ്രവേശിപ്പിച്ചു.
ബന്ധു വീട് സന്ദർശിച്ച് മടങ്ങി വരുമ്പോഴാണ് അപകടം സംഭവിച്ചത്. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. പോലീസും ഫയർഫോഴ്സും സ്ഥലത്ത് എത്തി.