മലപ്പുറത്ത് ബൈക്കപകടത്തിൽ രണ്ട് യുവാക്കൾ മരിച്ചു
Sunday, June 23, 2024 7:24 AM IST
മലപ്പുറം: ബൈക്കപകടത്തിൽ രണ്ട് യുവാക്കൾ മരിച്ചു. മലപ്പുറത്ത് ചാവക്കാട്-പൊന്നാനി ദേശീയപാതയിൽ ശനിയാഴ്ച രാത്രി ഒമ്പതോടെയാണ് അപകടം. വെളിയങ്കോട് സ്വദേശി ആഷിഖ് (22), കരിങ്കല്ലത്താണി ത്വദേശി ഫാസിൽ (19) എന്നിവരാണ് മരിച്ചത്.
ഇവർ സഞ്ചരിച്ചിരുന്ന ബുള്ളറ്റ് മറിഞ്ഞാണ് അപകടമുണ്ടായത്. പാലത്തിന്റെ കൈവരി നിർമാണ പ്രവർത്തനം നടക്കുന്നിടത്തേക്കായിരുന്നു വാഹനം മറിഞ്ഞത്. തുടർന്ന് കൈവരിയിലെ കമ്പികൾ ശരീരത്തിൽ കുത്തിക്കയറിയാണ് മരണം സംവിച്ചത്.
ഗുരുതരമായി പരിക്കേറ്റ ഇരുവരെയും സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇരുവരുടെയും മൃതദേഹം പോസ്റ്റ്മോർട്ടത്തിനായി മാറ്റി.