മസാജിനിടെ വിദേശ വനിതയ്ക്കു പീഡനം: റിസോർട്ട് ജീവനക്കാരനെതിരേ പരാതി
Friday, June 21, 2024 7:49 PM IST
കൽപ്പറ്റ: വയനാട് തിരുനെല്ലിയിൽ വിനോദ സഞ്ചാരത്തിനെത്തിയ വിദേശ വനിതയെ സ്വകാര്യ റിസോർട്ട് ജീവനക്കാരൻ പീഡിപ്പിച്ചതായി പരാതി. നെതർലൻഡ് സ്വദേശിയായ യുവതി നാട്ടിലെത്തിയ ശേഷം ഇ-മെയിലായാണ് പോലീസിനു പരാതി അയച്ചത്.
തിരുനെല്ലി ക്ലോവ് റിസോർട്ടിലെ ഒരു ജീവനക്കാരനെതിരേയാണ് പരാതി ഉയർന്നത്. എഡിജിപിക്ക് യുവതി ഇമെയിലായി പരാതി നൽകിയിട്ട് ഒരാഴ്ചയായെങ്കിലും പ്രതിയെ ഇതുവരെ പിടികൂടാൻ കഴിഞ്ഞിട്ടില്ലെന്ന് ആക്ഷേപമുണ്ട്.
2023 ഡിസംബർ ആദ്യമാണ് ഓണ്ലൈൻ ബുക്കിംഗ് വഴി തിരുനെല്ലിയിലെ ക്ലോവ് റിസോർട്ടിൽ യുവതി എത്തിയത്. കഴിഞ്ഞ 14നാണ് യുവതി ഇമെയിലൂടെ പരാതി നൽകിയത്.