വിയൂർ സെൻട്രൽ ജയിലിൽ തടവുകാരനിൽനിന്ന് മൊബൈൽ ഫോൺ പിടികൂടി
Thursday, June 20, 2024 9:35 PM IST
തൃശൂർ: വിയൂർ സെൻട്രൽ ജയിലിൽ തടവുകാരനിൽനിന്ന് മൊബൈൽ ഫോൺ പിടിച്ചെടുത്തു. തടവില് കഴിയുന്ന മട്ടാഞ്ചേരി സ്വദേശി അനീഷിന്റെ പക്കല് നിന്നാണ് ഫോണ് കണ്ടെത്തിയത്. ഡി ബ്ലോക്കിലെ 29 ആം നമ്പര് സെല്ലിലായിരുന്നു ഇയാള്.
സന്ദര്ശന സമയം കഴിഞ്ഞ് തടവുക്കാരെ സെല്ലുകളിലേക്ക് മാറ്റിയ ശേഷമുള്ള പരിശോധനയില് ആണ് ഫോണ് കണ്ടെത്തിയത്. ഫോൺ ഉദ്യാഗസ്ഥരുടെ ശ്രദ്ധയിൽപ്പെടാതെ ഒളിപ്പിക്കാൻ ശ്രമിക്കുന്നതിനിടെയാണ് പിടികൂടിയത്.
എന്നാൽ ഇതിൽ സിം കാർഡ് ഇല്ലായിരുന്നു. സിം എറിഞ്ഞു കളഞ്ഞെന്നാണ് ഇയാൾ പറഞ്ഞത്. നേരത്തെയും അനീഷിന്റെ പക്കൽനിന്ന് ജയിലിൽവച്ച് ഫോൺ പിടികൂടിയിട്ടുണ്ട്.