താമരശേരിയിൽ രണ്ടുപേർക്ക് ബാർബർഷോപ്പിൽവച്ച് കുത്തേറ്റു
Thursday, June 20, 2024 3:47 PM IST
കോഴിക്കോട്: താമരശേരിയിൽ രണ്ടുപേർക്ക് കുത്തേറ്റു. താമരശേരി മൂലത്തുമണ്ണിൽ സ്വദേശികളായ ഷബീർ, നൗഷാദ് എന്നിവർക്കാണ് കുത്തേറ്റത്. ബാർബർഷോപ്പിൽവച്ചാണ് ഇരുവർക്കും കുത്തേറ്റത്.
ഇരുവരുടെയും സുഹൃത്തായ ചെമ്പ്ര സ്വദേശി ബാദുഷ കത്രിക ഉപയോഗിച്ച് കുത്തി പരിക്കേൽപ്പിക്കുകയായിരുന്നു. പ്രകേപിതനായ ബാദുഷ കത്രിക ഉപയോഗിച്ച് നൗഷാദിനെ ആക്രമിക്കുകയായിരുന്നു.
ഇത് തടയാൻ ശ്രമിക്കുന്നതിനിടെയാണ് ഷബീറിനും കുത്തേറ്റത്. പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചു.