മുതലപ്പൊഴിയില് വീണ്ടും അപകടം; മത്സ്യത്തൊഴിലാളി നീന്തി രക്ഷപെട്ടു
Thursday, June 20, 2024 9:01 AM IST
തിരുവനന്തപുരം: മുതലപ്പൊഴിയില് വീണ്ടും മത്സ്യബന്ധനവള്ളം മറിഞ്ഞ് അപകടം. പുലർച്ചെ അഞ്ചോടെയാണ് ചെറുവള്ളം മറിഞ്ഞത്. ഇതിലുണ്ടായിരുന്ന മത്സ്യത്തൊഴിലാളി നീന്തി രക്ഷപെട്ടു.
ഇന്ന് മുതലപ്പൊഴിയിലുണ്ടാകുന്ന രണ്ടാമത്തെ അപകടമാണിത്. പുലര്ച്ചെ ഒന്നരയോടെയുണ്ടായ അപകടത്തിൽ മത്സ്യത്തൊഴിലാളി മരിച്ചിരുന്നു. തിരുവനന്തപുരം അഞ്ചുതെങ്ങ് സ്വദേശി വിക്ടറാണ് (50) മരിച്ചത്.
മത്സ്യബന്ധനം കഴിഞ്ഞ് മടങ്ങി വരവേ അഴിമുഖത്തുണ്ടായ ശക്തമായ തിരയിൽപ്പെട്ട് വള്ളം തലകീഴായി മറിയുകയായിരുന്നു. വിക്ടറിനൊപ്പം വള്ളത്തിലുണ്ടായിരുന്ന മൂന്ന് തൊഴിലാളികൾ നീന്തി രക്ഷപെട്ടു.