കുളത്തൂർ മാർക്കറ്റിൽ നാടൻ ബോംബുകൾ കണ്ടെത്തി
Wednesday, June 19, 2024 6:42 PM IST
തിരുവനന്തപുരം: കുളത്തൂർ മാർക്കറ്റിൽ നാടൻ ബോംബുകൾ കണ്ടെത്തി. കുളത്തൂർ മാർക്കറ്റിനുള്ളിൽ അഞ്ച് നാടൻ ബോംബുകളാണ് കണ്ടെത്തിയത്. പ്ലാസ്റ്റിക് കവറിൽ സൂക്ഷിച്ചിരുന്ന നിലയിലായിരുന്നു ബോംബുകൾ
മാർക്കറ്റിലെ കച്ചവടക്കാർ ആണ് ബോംബ് കണ്ടെത്തിയത്. തുടർന്ന് കഴക്കൂട്ടം പോലീസിൽ വിവരമറിയിച്ചു. കഴക്കൂട്ടം പേലീസും, ബോംബ് ഡിറ്റൻഷൻ സ്ക്വാഡും സ്ഥലത്തെത്തി.
ഇവ ആരാണ് മാർക്കറ്റിൽ എത്തിച്ചതെന്ന് വ്യക്തമല്ല. സിസിടിവികള് പരിശോധിച്ച് ആരാണ് ഇവ സൂക്ഷിച്ചിരുന്നതെന്ന് കണ്ടെത്താനുള്ള ശ്രമം പോലീസ് ആരംഭിച്ചിട്ടുണ്ട്.