വീണാ ജോർജിന് യാത്രാനുമതി നിഷേധിച്ച സംഭവം; മുഖ്യമന്ത്രി പ്രധാനമന്ത്രിക്ക് കത്തയച്ചു
Wednesday, June 19, 2024 3:57 PM IST
തിരുവനന്തപുരം: മന്ത്രി വീണാ ജോര്ജിന് കുവൈറ്റിലേക്ക് പോകാന് കേന്ദ്രം യാത്രാനുമതി നിഷേധിച്ചത് അതീവ നിർഭാഗ്യകരമാണ് മുഖ്യമന്ത്രി പിണറായി വിജയൻ. ഇക്കാര്യത്തിൽ കേന്ദ്ര നിലപാടിനെതിരേ കേരളത്തിന്റെ പ്രതിഷേധം ചൂണ്ടിക്കാട്ടി മുഖ്യമന്ത്രി പ്രധാനമന്ത്രിക്ക് കത്ത് അയച്ചു.
ദുരന്തമുഖത്ത് വേണ്ടത് കേന്ദ്ര, സംസ്ഥാന സർക്കാരുകളുടെ കൂട്ടായ പ്രവർത്തനമാണ്. മന്ത്രി വീണയ്ക്ക് യാത്രാനുമതി നിഷേധിക്കപ്പെട്ടത് ഫെഡറൽ തത്വങ്ങൾക്ക് വിരുദ്ധമാണെന്നും മുഖ്യമന്ത്രി കത്തില് വ്യക്തമാക്കി.