കുവൈറ്റ് ദുരന്തം; ലോകകേരള സഭയുടെ ഉദ്ഘാടന സമയം മാറ്റി
Friday, June 14, 2024 1:29 AM IST
തിരുവനന്തപുരം: കുവൈറ്റിലുണ്ടായ തീപിടിത്തത്തിൽ മരിച്ചവരുടെ മൃതദേഹങ്ങൾ രാവിലെ കൊച്ചിയിൽ എത്തുന്നതിനാൽ ലോകകേരള സഭയുടെ ഉദ്ഘാടന സമയം മാറ്റി. നിയമസഭാ സമുച്ചയത്തിൽ വെള്ളിയാഴ്ച നടത്തുന്ന ലോക കേരള സഭയുടെ ഉദ്ഘാടനം വൈകുന്നേരം മൂന്നിന് നടത്തുമെന്ന് അധികൃതർ പറഞ്ഞു.
രാവിലെ 9.30നാണ് ഉദ്ഘാടന ചടങ്ങ് നിശ്ചയിച്ചിരുന്നത്. കുവൈറ്റിൽ മരിച്ചവരുടെ മൃതദേഹങ്ങൾ ഏറ്റുവാങ്ങുന്നതിനായി മുഖ്യമന്ത്രി ഉൾപ്പെടെയുള്ളവർ കൊച്ചിയിലേക്ക് പോകുന്നതിനാലാണ് രാവിലെ നടത്താനിരുന്ന ഉദ്ഘാടന ചടങ്ങിന്റെ സമയം മാറ്റിയത്.
വൈകുന്നേരം മൂന്നിന് നടക്കുന്ന ഉദ്ഘാടനത്തിനു ശേഷം ലോകകേരള സഭയുടെ വിഷയാധിഷ്ഠിത സമ്മേളനങ്ങളും മേഖലാ സമ്മേളനങ്ങളും നടക്കും. പുതുക്കിയ സമയക്രമം അനുസരിച്ച് രാത്രി ഭക്ഷണത്തിനു ശേഷവും സമ്മേളനം തുടരും.