ലോക്സഭ തെരഞ്ഞെടുപ്പില് ഭരണവിരുദ്ധവികാരം ഉണ്ടായി ;സ്വയം വിമര്ശനം നടത്തുമെന്ന് ബിനോയ് വിശ്വം
Thursday, June 13, 2024 1:04 PM IST
തൃശൂർ: ലോക്സഭ തെരഞ്ഞെടുപ്പില് സംസ്ഥാനത്ത് ഭരണവിരുദ്ധവികാരം ഉണ്ടായിട്ടുണ്ടെന്ന് സിപിഐ സംസ്ഥാന സെക്രട്ടി ബിനോയ് വിശ്വം. തോല്വിയില് കമ്മ്യൂണിസ്റ്റുകാര് സ്വയം വിമര്ശനം നടത്തുമെന്നും അദ്ദേഹം പറഞ്ഞു.
എന്നാല് സര്ക്കാര് തലത്തില് നേതൃമാറ്റം സിപിഐ ആവശ്യപ്പെടുന്നില്ലെന്നും അദ്ദേഹം വ്യക്തമാക്കി. തൃശൂരിലെ തോല്വി നല്കിയത് വലിയ പാഠമാണെന്നും അദ്ദേഹം പറഞ്ഞു.
അടിസ്ഥാന പ്രശ്നങ്ങളായ പെന്ഷൻ, സപ്ലൈകോ വിതരണം തുടങ്ങിയ കാര്യങ്ങളില് സര്ക്കാരിനുണ്ടായ വീഴ്ച പരിശോധിക്കുമെന്നും ബിനോയ് വിശ്വം പറഞ്ഞു. തെരഞ്ഞെടുപ്പ് തോല്വി പരിശോധിക്കാന് സിപിഎമ്മിനും സിപിഐക്കും സംയുക്ത സമിതി ഉണ്ടാവില്ലെന്നും അദ്ദേഹം വ്യക്തമാക്കി.