വിവാദത്തിലേക്ക് തന്നെ വലിച്ചിഴയ്ക്കുന്നതിന് പിന്നില് വ്യക്തമായ അജണ്ട: മന്ത്രി റിയാസ്
Monday, May 27, 2024 1:20 PM IST
കോഴിക്കോട്: മദ്യനയം ചര്ച്ചയായിട്ടില്ലെന്ന നിലപാട് ആവര്ത്തിച്ച് ടൂറിസം മന്ത്രി മുഹമ്മദ് റിയാസ്. മറ്റൊരു വകുപ്പുമായി ബന്ധപ്പെട്ട വിഷയത്തില് തന്നെ വലിച്ചിഴയ്ക്കുന്നിന് പിന്നില് വ്യക്തമായ അജണ്ടയുണ്ടെന്ന് മന്ത്രി പ്രതികരിച്ചു.
മദ്യനയം ചര്ച്ച ചെയ്തിട്ടില്ലെന്ന് മന്ത്രിമാര് നേരത്തേ പറഞ്ഞതാണ്. ടൂറിസം ഡയറക്ടറും കാര്യങ്ങള് വ്യക്തമാക്കിയിട്ടുണ്ട്. എന്നിട്ടും പ്രതിപക്ഷ നേതാവ് ഉറപ്പിച്ച് പറയുന്നത് ചര്ച്ച നടന്നെന്നാണ്.
തന്നെ അനാവശ്യമായ വിവാദത്തിലേക്ക് വലിച്ചിഴയ്ക്കുകയാണ്. ഇതിന് പിന്നില് വ്യക്തമായ അജണ്ടയുണ്ട്.
ടൂറിസം വകുപ്പിലെ ഉദ്യോഗസ്ഥര് യോഗം ചേരുന്നത് സാധാരണമാണ്. ഉദ്യോഗസ്ഥര് വിളിക്കുന്ന എല്ലാ യോഗങ്ങളും മന്ത്രിമാര് അറിയണമെന്നില്ലെന്നും റിയാസ് കൂട്ടിച്ചേര്ത്തു.