ഇ​രി​ട്ടി: വീ​രാ​ജ്പേ​ട്ട ബ​സ്‌​സ്റ്റാ​ൻ​ഡി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ കു​ട​ക് സ്വ​ദേ​ശി ര​മേ​ശി​ന്‍റെ (39 ) കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് പ്രാ​യ​പൂ​ർ​ത്തി​യാ​കാ​ത്ത ആ​ൺ​കു​ട്ടി​യ​ട​ക്കം നാ​ലു​പേ​രെ വി​രാ​ജ്പേ​ട്ട പോ​ലീ​സ് അ​റ​സ്റ്റ് ചെ​യ്തു. കു​ട​ക് സ്വ​ദേ​ശി​ക​ളാ​യ ലോ​കേ​ഷ് (30), കൃ​ഷ്ണ (20), ഹ​രീ​ഷ് , പ്രാ​യ​പൂ​ർ​ത്തി​യാ​കാ​ത്ത ആ​ൺ​കു​ട്ടി എ​ന്നി​വ​രാ​ണ് പി​ടി​യി​ലാ​യ​ത്.

ഈ ​മാ​സം 22ന് ​രാ​ത്രി ആ​യി​രു​ന്നു സം​ഭ​വം. കൊ​ല്ല​പ്പെ​ട്ട ര​മേ​ശും നാ​ല് കു​റ്റാ​രോ​പി​ത​രും വീ​രാ​ജ്പേ​ട്ട ടൗ​ണി​ൽ രാ​വി​ലെ മു​ത​ൽ നൃ​ത്തം​ ചെ​യ്ത് ആ​ളു​ക​ളി​ൽ നി​ന്നും ക​ട​യു​ട​മ​ക​ളി​ൽ നി​ന്നും പ​ണം പി​രി​ച്ചെ​ടു​ത്തി​രു​ന്നു.

വൈ​കു​ന്നേ​രം മ​ദ്യ​പി​ച്ച ശേ​ഷം ഈ പ​ണം വീ​തം​വ​യ്ക്കു​ന്ന​തി​ൽ ഉ​ണ്ടാ​യ ത​ർ​ക്ക​മാ​ണ് പി​ന്നീ​ട് കൊ​ല​പാ​ത​ക​ത്തി​ലേ​ക്ക് ന​യി​ച്ച​ത്. കു​റ്റാ​രോ​പി​ത​രാ​യ നാ​ലു​പേ​രും ചേ​ർ​ന്ന് ബ​സ്‌​സ്റ്റോ​പ്പി​ൽ വ​ച്ച് ര​മേ​ശി​നെ ആ​ക്ര​മി​ക്കു​ക​യാ​യി​രു​ന്നു. പി​ന്നീ​ട് ഇ​യാ​ൾ ര​ക്തം വാ​ർ​ന്ന് മ​രി​ച്ചു.

23ന് ​രാ​വി​ലെ​യാ​ണ് വീ​രാ​ജ്പേ​ട്ട പ്രൈ​വ​റ്റ് ബ​സ് സ്റ്റാ​ൻ​ഡി​ലെ ഒ​രു ക​ട​യ്ക്ക് സ​മീ​പം മൃ​ത​ദേ​ഹം ക​ണ്ടെ​ത്തു​ന്ന​ത്. സ്വാ​ഭാ​വി​ക മ​ര​ണ​മാ​ണെ​ന്നാ​ണ് പോ​ലീ​സ് ആ​ദ്യം ക​രു​തി​യ​ത്. പി​ന്നീ​ട് ര​മേ​ശി​ന്‍റെ ഭാ​ര്യ ഭ​വാ​നി ന​ല്കി​യ പ​രാ​തി​യി​ൽ കേ​സെ​ടു​ത്ത് പോ​ലീ​സ് അ​ന്വേ​ഷ​ണം ന​ട​ത്തു​ക​യാ​യി​രു​ന്നു.

സി​സി​ടി​വി​ക​ള​ട​ക്കം പോ​ലീ​സ് പ​രി​ശോ​ധി​ച്ച​പ്പോ​ഴാ​ണ് നാ​ലം​ഗ സം​ഘ​ത്തി​ന്‍റെ മ​ർ​ദ​ന​മാ​ണ് ര​മേ​ശി​ന്‍റെ മ​ര​ണ​ത്തി​ലേ​ക്ക് ന​യി​ച്ച​തെ​ന്ന സൂ​ച​ന ല​ഭി​ച്ച​തും കു​റ്റാ​രോ​പി​ത​രെ പി​ടി​കൂ​ടി​യ​തും. സ്വ​ന്തം വീ​ടു​ക​ളി​ൽ നി​ന്നാ​ണ് ഇവരെ പോ​ലീ​സ് പി​ടി​കൂ​ടു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ ഇവരെ ജു​ഡീ​ഷ​ൽ ക​സ്റ്റ​ഡി​യി​ൽ വി​ട്ടു.